Lansio ymgyrch yn erbyn troseddau yn ymwneud â chyllyll ‘Ddim yr Un’ i addysgu pobl ifanc am beryglon cario cyllell

Mae Heddlu De Cymru a'r Uned Atal Trais wedi lansio ymgyrch newydd yn erbyn troseddau yn ymwneud â chyllyll, sydd wedi'i hanelu at addysgu pobl ifanc am ganlyniadau cario cyllell.

Mae Heddlu De Cymru am gymryd camau i sicrhau ymyriadau cynnar wrth fynd i'r afael â throseddau o'r fath gyda'r nod o leihau'r troseddau a'r nifer o bobl sy'n eu cyflawni.

Dangosodd adborth o sgyrsiau gyda phobl ifanc mewn ardaloedd o Dde Cymru lle mae troseddau yn ymwneud â chyllyll wedi digwydd amlaf, mai rhoi gwybod i athro, rhiant neu aelod o'r gymuned y maent yn ymddiried ynddynt fydd y rhai sydd â phryderon am droseddau cyllyll fwyaf tebygol o'i wneud.

Mae'r ymgyrch gydweithredol yn anelu at addysgu bechgyn ifanc rhwng 11 a 16 oed am beryglon a chanlyniadau cario cyllell, gan dargedu athrawon, rhieni, ffrindiau a theuluoedd â phecyn gwybodaeth addysgol. Mae'n cynnwys adnoddau megis cwisiau rhyngweithiol, cynlluniau gwersi ar gyfer addysgwyr, cwestiynau gwir neu anwir, a fideos sy'n dangos dioddefwr troseddau yn ymwneud â chyllyll a rhiant dioddefwr.

Dywedodd yr Uwcharolygydd Esyr Jones:

“Mae'r ymgyrch hon wedi ei lunio gyda'n pobl ifanc ac ar eu cyfer, ac yn anelu i rymuso cymunedau i fynd i'r afael â throseddau cyllyll. Mae'n darparu gwybodaeth, arweiniad ac opsiynau atgyfeirio ar gyfer unigolion sydd â dylanwad ym mywydau pobl ifanc os ydyn nhw’n credu bod y plentyn maent yn gofalu amdano mewn perygl o gael ei ddenu i droseddu â chyllyll.
“P'un a ydych yn rhiant, athro, gweithiwr ieuenctid, hyfforddwr chwaraeon neu'n berson ifanc eich hun, mae'r pecyn hwn yn darparu gwybodaeth addysgol i chi er mwyn gwneud gwahaniaeth ac achub bywydau.

• Ewch i wefan yr ymgyrch yma: www.nottheone.co.uk
• Lawrlwythwch y pecyn addysgol yma: Pecyn addysgwyr - DdimYrUn (nottheone.co.uk)
• Lawrlwythwch gynllun y wers yma: Cynllun y wers - DdimYrUn (nottheone.co.uk)