Apêl yn dilyn llofruddiaeth June Fox Roberts: Ffôn a Dillad

Mae ditectifs sy'n ymchwilio i lofruddiaeth June Fox Roberts ym mis Tachwedd y llynedd yn apelio am help gan y cyhoedd

Ffôn Symudol:

Mae'r iPhone 11 sydd ar goll mewn cas coch sy'n agor. Yr IMEI yw 356809119984924 a'r rhif cyfresol yw GONDC2KFM737. Mae swyddogion o'r farn y gall y ffôn, na chredir ei fod wedi'i ddifrodi, fod wedi cael ei ollwng, ei daflu neu hyd yn oed ei werthu i brynwr diarwybod yn ôl ym mis Tachwedd – dylai unrhyw un a all fod wedi prynu'r ffôn edrych ar y rhifau cyfresol.

Dillad:

Mae swyddogion hefyd yn ceisio dod o hyd i'r siwmper goch â hwd â llinynnau i'w dynnu a siaced ddu hyd at y canol â hwd, y mae'r ddwy eitem yn y llun. Maent o'r farn y gall y dillad hyn fod wedi cael eu taflu rhywle rhwng Llantwit Faerdref a Phontypridd.

Dywedodd y Ditectif Arolygydd Matt Powell, sy'n arwain yr ymchwiliad:

“Mae swyddogion sydd wedi cael hyfforddiant arbenigol yn parhau i gefnogi teulu June yn ystod cyfnod anodd iawn.
“Rydym yn ddiolchgar iawn am help a chefnogaeth y cyhoedd hyd yma ac mae ein hymchwiliad yn parhau.
“Er i ni chwilio â chrib fân, nid ydym wedi llwyddo i ddod o hyd i'r eitemau hyn. Rydym o'r farn eu bod nhw fwy na thebyg wedi cael eu taflu rhywle rhwng Llantwit Faerdref a Phontypridd. Gofynnir i weithwyr fferm, cerddwyr a hefyd drigolion pentrefi rhwng y ddau leoliad hyn gadw llygad amdanynt. Dylai unrhyw un sy'n dod ar eu traws gysylltu â ni heb gyffwrdd â'r eitemau. Bydd hyn yn sicrhau y gall swyddogion sydd wedi cael hyfforddiant eu hadfer yn y ffordd gywir fel na fydd tystiolaeth bosibl yn cael ei cholli.”

Anogir unrhyw un sydd â gwybodaeth i gysylltu â'r Ystafell Troseddau Mawr ar 029 20 571 530 neu gellir cyflwyno gwybodaeth drwy'r porth cyhoeddus https://mipp.police.uk/operation/62SWP21B41-PO1

Cafodd June Fox-Roberts ei darganfod yn farw yn ei chartref yn Llantwit Faerdref ddydd Sul 21 Tachwedd 2021. Mae Luke Deeley, 25 oed, o Bontypridd wedi cael ei gyhuddo o'i llofruddio.

Llun: Siwmper goch â hwd a siaced ddu hyd at y canol.