Gwrthdrawiad angheuol ym Merthyr Tudful: Y dioddefwr wedi'i enwi

Mae menyw a fu farw ar ôl i'r car Citroen Flare glas roedd yn ei yrru fod mewn gwrthdrawiad traffig ffyrdd un cerbyd ym Merthyr Tudful wedi cael ei henwi fel Janis Monger, 72 oed, o Gefn Coed, Merthyr Tudful.

Mae ei theulu wedi rhyddhau'r datganiad canlynol yn talu teyrnged iddi:

“Er cof am Janis Monger; gwraig, mam, mam-gu, mam yng nghyfraith a ffrind annwyl a pherson cymunedol a oedd yn cael ei hedmygu gan bawb yng Nghefn Coed.

“Rydym ni, fel teulu, yn torri ein calonnau ar ôl colli'r fath fodel rôl ac arweinydd i'r teulu. Rydym yn diolch i bawb am eu geiriau caredig a'u cydymdeimlad ar yr adeg drist iawn hon.

“Cyffyrddodd Janis â chalonnau llawer o bobl dros y blynyddoedd a bydd llawer yn gweld ei heisiau'n fawr.”

Mae Heddlu De Cymru yn apelio am dystion i’r gwrthdrawiad a ddigwyddodd tua 10.53am ddydd Mercher 19 Ionawr ar Brecon Road wrth y gyffordd â Gurnos Road ym Merthyr Tudful.

Os oes gan unrhyw un wybodaeth neu ddeunydd fideo o gamera dashfwrdd a allai helpu gyda'r ymchwiliad, cysylltwch â Heddlu De Cymru drwy un o'r ffyrdd canlynol, gan ddyfynnu cyfeirnod 2200020282.

Ewch i: https://bit.ly/SWPProvideInfo

Anfonwch neges breifat atom ar Facebook/Twitter

Drwy e-bost: [email protected]

Ffôn 101