Apêl gwrthdrawiad traffig ffyrdd Ffordd Brithweunydd, Trealaw
Cynnwys y prif erthygl
Mae Heddlu De Cymru yn ymchwilio i wrthdrawiad traffig ffyrdd difrifol a ddigwyddodd ar Ffordd Brithweunydd, Trealaw, Tonypandy am oddeutu 11.40pm ddoe (Dydd Sadwrn 22 Hydref).
Bu fan VW glas mewn gwrthdrawiad â cherddwr.
Cafodd y cerddwr, bachgen 16 oed o Donypandy, ei gludo i Ysbyty Treforys gydag anafiadau a fydd yn newid ei fywyd.
Cafodd gyrrwr y fan, dyn 22 oed, a theithiwr, bachgen 15 oed, y ddau o'r Porth, eu harestio ar amheuaeth o achosi anaf difrifol drwy yrru'n beryglus.
Dywedodd PS Jason Beaumont:
“Hoffem ddiolch i'r gymuned leol y mae cau'r ffordd wedi effeithio arni, am ei hamynedd a'i dealltwriaeth.
“Hoffem glywed gan unrhyw un a all fod wedi gweld y gwrthdrawiad neu y gall fod ganddo fideo camera dashfwrdd neu deledu cylch cyfyng o'r digwyddiad.”
Ewch i https://www.south-wales.police.uk/cy-GB/cysylltu-a-ni/af/cysylltu-a-ni/us/cysylltu-a-ni/darparu-mwy-o-wybodaeth-iw-hychwanegu-at-adroddiad-trosedd/ gan ddyfynnu'r cyfeirnod 2200358796 neu drwy ffonio Crimestoppers yn ddi-enw ar 0800 555 111.