Apêl am dystion yn dilyn gwrthdrawiad difrifol A465, Cefn Coed, Merthyr Tudful
Cynnwys y prif erthygl
Mae Heddlu De Cymru yn apelio am dystion yn dilyn gwrthdrawiad traffig ffordd tua 07.20am ddydd Sul 20 Chwefror 2022 ar yr A465 rhwng Cefn Coed a Dowlais.
Roedd Fiat 500 du yn teithio tuag at Gefn Coed pan adawodd y ffordd. Cafodd y gyrrwr, dyn lleol 30 oed, ei gludo i Ysbyty Athrofaol Cymru lle mae'n parhau i fod mewn cyflwr difrifol.
Bu'r ffordd ar gau am tua wyth awr er mwyn i'r gwaith ymchwilio gael ei wneud. Mae'r heddlu am ddiolch i'r gymuned am ei hamynedd a'i dealltwriaeth yn ystod yr adeg hon.
Mae Heddlu de Cymru am siarad ag unrhyw un a welodd y gwrthdrawiad, unrhyw un â chamera dashfwrdd a ffilmiodd y digwyddiad neu unrhyw un a welodd sut roedd y car yn cael ei yrru cyn y gwrthdrawiad.
A allai tystion gysylltu ag uned Plismona'r Ffyrdd yng ngorsaf heddlu Gwaelod y Garth gan ddyfynnu digwyddiad 2200058621.
Ewch i: https://bit.ly/SWPProvideInfo
Anfonwch neges breifat atom ar Facebook/Twitter
Drwy e-bost: [email protected]
Neu drwy ffonio: 101