Cwpan Rhyng-ffydd Cymunedol Cwm Cynon

Mae criced yn helpu i gryfhau'r cwlwm rhwng cymunedau Cwm Cynon yn yr ail ornest y tymor hwn, gan ddod â swyddogion heddlu is-adrannol a thimau o fosgiau lleol ynghyd.

Mewn gornest agos ar ddiwrnod poeth iawn yr wythnos hon, daeth cricedwyr Mosg Aberdâr i'r brig i gipio'r tlws.

Dywedodd y Cwnstabl Lewis McPherson, sy'n rhan o'r Tîm Diogelwch Cymunedol:

“Hoffwn longyfarch ein ffrindiau ym Mosg Aberdâr am lwyddo i gadw'r Tlws Rhyng-ffydd ar ôl trechu Uned Reoli Sylfaenol Morgannwg Ganol Heddlu De Cymru.”

Mewn gornest a gynhaliwyd yn Nhondu yn gynharach yn yr haf, daliodd tîm yr Uned Reoli Sylfaenol ei dir yn erbyn tîm o un ar ddeg o Fosg Abercynffig.

Mae trydedd ornest bellach wedi'i threfnu ar gyfer dechrau mis Medi, a hynny yn Nhondu, yn erbyn cyfuniad o un ar ddeg o'r ddau fosg.

Dywedodd Prif Uwch-arolygydd Morgannwg Ganol, Stephen Jones:

“Rydw i wrth fy modd ein bod wedi cael y cyfle i chwarae criced yn erbyn aelodau o fosgiau lleol.

“Y nod yw chwalu'r rhwystrau a chryfhau cydberthnasau drwy gyfrwng byd-eang y gamp er mwyn gwella ymgysylltiad a magu hyder yn Heddlu De Cymru."