Gwrthdrawiad Traffig Ffyrdd angheuol ar Heol Ddwyreiniol y Bont-faen: apêl
Cynnwys y prif erthygl
Dywedodd y Ditectif Ringyll Debbie Hobrough:
“Cafodd Heddlu De Cymru ei alw ar ôl cael adroddiadau o wrthdrawiad traffig difrifol ar Heol Ddwyreiniol y Bont-faen, rhwng Ffordd Lecwydd a Ffordd Llandaf, am tua 5pm ddoe (Dydd Llun Awst 8).
Roedd y gwrthdrawiad yn ymwneud â beic cwad Yamaha gwyrdd a du.
Er gwaethaf ymdrechion gorau'r gwasanaethau brys, bu farw gyrrwr y beic cwad, dyn 34 oed, yn y fan a'r lle.
Mae ei berthynas agosaf wedi cael gwybod amdano ac yn cael cymorth gan swyddogion.
Bu'r ffordd ar gau am sawl awr er mwyn i swyddogion gynnal ymchwiliadau ar y safle. Mae wedi ail agor ers hynny.
Mae Uned Plismona Ffyrdd Heddlu De Cymru yn apelio ar unrhyw un a welodd y gwrthdrawiad i gysylltu â nhw - maent hefyd yn gofyn i bobl a oedd yn gyrru yn yr ardal i edrych ar eu camerâu dashfwrdd am glipiau fideo a allai gynorthwyo.”
Gall unrhyw un sydd â gwybodaeth gysylltu drwy ein gwefan Darparu mwy o wybodaeth i’w hychwanegu at adroddiad trosedd | Heddlu De Cymru (south-wales.police.uk) neu Crimestoppers yn ddienw ar 0800 555 111 gan ddyfynnu rhif digwyddiad 2200266464.