Gwrthdrawiad traffig ffordd angheuol ar yr A4063: apêl
Cynnwys y prif erthygl
Mae Heddlu De Cymru yn apelio am dystion yn dilyn gwrthdrawiad traffig ffordd difrifol a ddigwyddodd ar yr A4063 rhwng Nicholls Road a Bridgend Road, Maesteg, ychydig cyn 9.30pm ddydd Mercher, Awst 10.
Dywedodd Rhingyll yr Heddlu, Jason Beaumont:
“Roedd y gwrthdrawiad yn cynnwys dau gerbyd: Hyundai glas a Renault Clio glas.
Er gwaethaf ymdrechion gorau'r gwasanaethau brys, bu farw gyrrwr yr Hyundai, merch 29 oed, o ardal Maesteg, yn y fan a'r lle.
Aethpwyd â gyrrwr a theithiwr y Renault Clio i'r ysbyty â mân anafiadau.”
Mae swyddogion yn apelio ar unrhyw un a allai fod wedi gweld rhywbeth, sydd â fideo o gamera dashfwrdd, neu sydd wedi stopio yn y lleoliad i gysylltu â Heddlu De Cymru drwy https://www.south-wales.police.uk/cy-GB/cysylltu-a-ni/af/cysylltu-a-ni/us/cysylltu-a-ni/darparu-mwy-o-wybodaeth-iw-hychwanegu-at-adroddiad-trosedd/ gan ddyfynnu rhif digwyddiad 2200269545.