Llofruddiaeth Lynette White yn 1988

Dros 30 mlynedd ar ôl marwolaeth drasig Lynette White, unwaith eto, rydym yn meddwl am ei theulu a'u ffrindiau. Mae Heddlu De Cymru wedi bod yn benderfynol o ganfod y gwir am ei llofruddiaeth yn 1988, ac arweiniodd ymchwiliadau yn y pendraw at gael Jeffrey Gafoor yn euog o'i llofruddiaeth, a hynny ar ôl achos o gamweinyddu cyfiawnder a effeithiodd ar fywydau llawer o bobl eraill, ac a arweiniodd at gyfres o ymchwiliadau ac adolygiadau.

Mae Heddlu De Cymru eisoes wedi ymddiheuro i'r diffynyddion gwreiddiol yn yr achos hwn. Mae gennym ddealltwriaeth lawer gwell o'r holl ddigwyddiadau a arweiniodd at yr achos gwreiddiol o gamweinyddu cyfiawnder erbyn hyn. Mae'r un peth yn wir am yr ymchwiliad dilynol i gamymddwyn honedig gan yr heddlu, a arweiniodd at beidio â pharhau â'r achos yn 2011. Ers hynny, mae llawer o sylw wedi cael ei roi i'r achos.

O ganlyniad i ddysgu'r gwersi o'r achos hwn o gamweinyddu cyfiawnder, mae Heddlu De Cymru wedi trawsnewid ei ymarfer wrth gynnal ymchwiliadau ac wedi dod yn heddlu blaenllaw mewn perthynas ag adolygu ymchwiliadau troseddau mawr. Yn benodol, mae'r gwersi a ddysgwyd gennym am yr heriau sy'n gysylltiedig â datgelu yn y system cyfiawnder troseddol wedi arwain at arferion da cydnabyddedig sydd wedi cael eu rhannu'n genedlaethol.

Mae'r gyfres hon o ddigwyddiadau wedi gwneud yr heddlu yn fwy penderfynol o  wella ei safonau ymchwilio drwy'r amser. Fodd bynnag, yn anad dim, rydym yn cofio Lynette a fu farw yn drasig ar Ddydd Sant Ffolant yn 1988. Ni fydd yn mynd yn angof.