Dyn yn cael ei enwi ar ôl gwrthdrawiad traffig ffyrdd angheuol yn Resolfen
Cynnwys y prif erthygl
Mae teulu dyn 58 oed a fu farw yn dilyn gwrthdrawiad traffig ffyrdd yn Resolfen, wedi talu teyrnged iddo.
Roedd Peter Williams yn teithio ar ei feic modur pan fu mewn gwrthdrawiad â char Dacia Sandero ar Glyn Neath Road, Resolfen ychydig cyn 10.40am ar 29 Awst. Bu farw ar 16 Medi 2021.
Mae merch Mr Williams, Zara, a'i fab, Adam wedi talu teyrnged iddo:
"Sut gallwn ni hyd yn oed ddechrau esbonio'r golled aruthrol a maint y tristwch a deimlwn o golli ein tad.
"Rydym wedi ein llorio'n llwyr a dweud y lleiaf, ac mae'n amlwg na fydd ein bywydau fyth yr un peth eto.
"Rydym wedi colli ein tad, a oedd yn fab, yn frawd, yn dad-cu ac yn ffrind i gymaint o bobl a bydd y gymuned gyfan dan deimlad yn dilyn ei farwolaeth.
"Treuliodd dros 40 mlynedd o'i fywyd yn adeiladu busnes saer coed teuluol ac roedd yn uchel ei barch yn y maes hwn.
"Roedd yn unigolyn roedd pawb yn mynd ato i gael help ac arweiniad. Roedd wrth ei fodd yn pysgota ac yn beicio modur, ac mae'r ffaith iddo farw yn gwneud rhywbeth roedd yn ei garu yn rhywfaint o gysur i ni.
"Gwyddom ei fod wedi mynd ond rydym yn dal i deimlo'i bresenoldeb ym mhobman. Etifeddodd yr enw 'Peter Pan' oherwydd ei awch at fywyd ac am ei fod mor ifanc ei ffordd ac yn manteisio ar bopeth roedd gan fywyd i'w gynnig.
"Byddwn ni'n eich colli chi Dad.
“Fel teulu, hoffem fanteisio ar y cyfle hwn i ddiolch i'r holl wasanaethau brys a aeth i leoliad y ddamwain ac i'r holl staff yn yr ysbyty a wnaeth eu gorau glas i’w helpu.”
Os gwelodd unrhyw un y gwrthdrawiad neu os oes gennych fideo ar ffilm o gamera dashfwrdd, cysylltwch â ni drwy ddyfynnu rhif digwyddiad 2100304215.
Anfonwch neges breifat atom drwy Facebook/Twitter
Drwy e-bost: [email protected]