Dyn o Benarth yn marw mewn gwrthdrawiad traffig ffyrdd
Cynnwys y prif erthygl
Mae'r dyn a fu farw ar ôl i'r beic modur Kawasaki yr oedd yn ei yrru fod mewn gwrthdrawiad un cerbyd yn y Bontfaen wedi cael ei enwi.
Ei enw yw Matthew Rouch, 41 oed, o Benarth.
Mae ei deulu wedi rhyddhau'r datganiad canlynol sy'n talu teyrnged iddo:
"Roedd Matthew yn dad, yn fab ac yn frawd cariadus.
"Byddwn ni, fel teulu, yn trysori ein hatgofion ohono fel dyn arbennig a byddwn yn ei gadw yn ein calonnau am byth.
"Bydd colled aruthrol ar ôl Matthew."
Mae Heddlu De Cymru yn parhau i apelio am dystion i'r gwrthdrawiad a ddigwyddodd tua 7.30pm nos Fercher 29 Medi ar yr A48 ger y Bontfaen, rhwng yr A4222 a'r B4268.
Os oes gan unrhyw un unrhyw wybodaeth neu fideo dashfwrdd a allai helpu gyda'r ymchwiliad, cysylltwch â Heddlu De Cymru drwy un o'r ffyrdd canlynol, gan ddyfynnu cyfeirnod *343258.
Ewch i: https://bit.ly/HDCDarparuGwyb
Anfonwch neges breifat atom ar Facebook/Twitter
Ebostiwch: [email protected]
Ffoniwch: 101