Datganiad: Achosion o sbeicio

Mae Heddlu De Cymru yn ymwybodol bod y cyhoedd yn pryderu ynghylch achosion o sbeicio mewn trefi a dinasoedd ledled y DU. Ystyr sbeicio yw pan gaiff alcohol neu gyffuriau eu rhoi yn niod rhywun heb yn wybod iddo a heb iddo roi ei ganiatâd. Mae pryder hefyd y gall fod pobl yn cael eu ‘sbeicio’ drwy ddefnyddio nodwyddau neu chwistrellau sy'n cynnwys cyffuriau.

Rydym wedi clywed gan nifer bach o bobl sy'n credu y gallai hyn fod wedi digwydd iddynt ac rydym wrthi'n ymchwilio i'r achosion hyn.

Mae ein swyddogion yn gweithio gyda safleoedd trwyddedig i'w rhybuddio o'r dulliau a ddefnyddir i sbeicio a gofyn iddynt fod yn arbennig o wyliadwrus yn ystod y cyfnod hwn.

Rydym yn cymryd pob achos o ddifrif ac rydym yn annog unrhyw un sy'n credu eu bod wedi cael eu sbeicio mewn unrhyw ffordd i gysylltu â ni.

Mae gan Heddlu De Cymru hanes gwych o weithio mewn partneriaeth ac rydym yn rhoi hyfforddiant i staff mewn safleoedd trwyddedig canol dinas i'w helpu i nodi a diogelu pobl sy'n agored i niwed ac rydym yn gweld enghreifftiau o adegau y bydd hyn wedi talu'i ffordd yn rheolaidd.

• Rhowch wybod am achosion drwy https://bit.ly/SWPReportOnline
• Anfonwch neges breifat atom drwy Facebook/Twitter
• Drwy e-bost: [email protected]
• Ffoniwch: 101

 

Mae gwefan Talk to Frank a ariennir gan y Llywodraeth wedi cyhoeddi cyngor a chanllawiau ar sbeicio diodydd Spiking – top tips to stay safe | FRANK (talktofrank.com)