Digwyddiad ger Dumballs Road – Ymchwiliad i lofruddiaeth
Cynnwys y prif erthygl
Gall Heddlu De Cymru gadarnhau bod dyn wedi marw ar ôl iddo gael ei drywanu yn Stryd Hansen, Butetown, Caerdydd, yn fuan ar ôl 9am bore ddoe (Dydd Mawrth, 23 Tachwedd)
Er nad yw wedi'i adnabod yn ffurfiol, credir ei fod yn ddyn lleol 31 oed. Mae ei berthnasau agosaf wedi'u hysbysu.
Arestiwyd dyn 44 oed yn ardal y Sblot Caerdydd ddoe ar amheuaeth o lofruddio ac mae'n dal yn y ddalfa.
Nid yw ditectifs yn chwilio am unrhyw un arall mewn cysylltiad â marwolaeth y dyn.
Diolch i'r gymuned leol am ei chydweithrediad wrth i ymholiadau fynd yn eu blaen a byddem yn annog unrhyw un sydd â gwybodaeth i gysylltu â'r heddlu gan ddyfynnu rhif digwyddiad *410667.
Ewch i: https://bit.ly/SWPProvideInfo
Anfonwch neges breifat atom ar Facebook/Twitter
Drwy e-bost: [email protected]