Arfau a chyffuriau a atafaelwyd gan dimau heddlu arbenigol sy'n mynd i'r afael â throseddau cyllyll a thrais difrifol

Mae arfau a chyffuriau gwerth miliynau o bunnoedd wedi cael eu hatafaelu dros y 12 mis diwethaf gan un o dimau arbenigol Heddlu De Cymru drwy amharu ar droseddau sy'n ymwneud â chyllyll a thrais difrifol.

Mae Tîm cudd Ymgyrch Sceptre, sy'n gweithredu ar draws yr heddlu, hefyd wedi atafaelu bron hanner miliwn o bunnoedd mewn arian parod allan o ddwylo'r rheini sy'n ymwneud â thrais a chamfanteisio troseddol.

Rhwng Ebrill 2020 a Mawrth 2021, mae Tîm Ymgyrch Sceptre yng Nghaerdydd ac Abertawe wedi:

• mynd â 228 o arfau oddi ar y strydoedd
• atafaelu gwerth £4.47m o gyffuriau a £486,000 mewn arian parod
• arestio 532 o bobl

Dywedodd Uwch-arolygydd Esyr Jones, arweinydd yr heddlu ar gyfer mynd i'r afael â throseddau difrifol:

“Mae Ymgyrch Sceptre yn olrhain y rheini sy'n ymwneud â thrais difrifol a throseddau cysylltiedig yn ddiflino, er mwyn diogelu'r rheini y camfanteisir arnynt ac i gadw ein strydoedd yn ddiogel.
“Mae De Cymru yn lle diogel i fyw, i weithio ynddo ac i ymweld ag ef, ond ni fyddwn byth yn llaesu dwylo. Mae mynd i'r afael â throseddau sy'n ymwneud â chyllyll a thrais difrifol yn un o brif flaenoriaethau Heddlu De Cymru.
“Ac er ein bod yn gwybod y gall fod yn anodd codi eich llais os ydych yn meddwl bod rhywun yn cario cyllell, drwy wneud hynny, gallwch helpu i sicrhau na ellir defnyddio'r arf hwnnw i achosi niwed difrifol, neu waeth. Yn y pen draw, mae'n golygu y gallech achub bywyd.”

I gysylltu â ni, ewch i https://bit.ly/HDCRiportio, anfonwch neges breifat atom ar Facebook neu Twitter, neu e-bostiwch [email protected].

Fel arall, gallwch gysylltu â Taclo'r Tacle yn ddienw drwy fynd i https://crimestoppers-uk.org/ neu ffonio 0800 555 111.
Mewn argyfwng, ffoniwch 999 bob amser.

Mae ymateb y gymdogaeth, ymgyrchoedd arbenigol, a thimau eraill yr heddlu yn ategu gwaith Tîm Ymgyrch Sceptre.