Gwrthdrawiad traffig ffyrdd angheuol ar yr A465: Apêl arall am wybodaeth

Mae Heddlu De Cymru yn parhau i apelio am wybodaeth yn dilyn gwrthdrawiad traffig ffyrdd angheuol a ddigwyddodd tua 11.00am ddydd Iau 13 Mai ar ffordd yr A465 Blaenau'r Cymoedd.

Bu Ford Fiesta glas mewn gwrthdrawiad â Renault Clio gwyn rhwng cyffordd Hirwaun a chyffordd amlosgfa Llwydcoed ar yr A465.  

Dywedodd y Ditectif Rhingyll Huw O’Connell o uned ymchwilio i wrthdrawiadau difrifol Heddlu De Cymru: 

"Rydym am glywed gan unrhyw un a allai fod wedi gweld y Ford Fiesta glas yn cael ei yrru rhwng 8.00am ac 11.00am ddydd Iau 13 Mai. Rydym yn ymwybodol bod y cerbyd wedi cael ei weld yn ardaloedd y Gurnos, Pen-y-bryn, y Galon Uchaf, Cefn Coed, Aberdâr a Phen-y-waun.

"Gofynnir i unrhyw un a allai fod wedi gweld y Fiesta a'r ffordd roedd yn cael ei yrru, neu a allai fod â fideo o gamera dashfwrdd o'r car cyn y gwrthdrawiad neu fideo o'r digwyddiad, gysylltu â ni, os nad yw eisoes wedi gwneud hynny.

Mae dyn 18 oed o Ferthyr Tudful wedi cael ei arestio ar amheuaeth o achosi marwolaeth drwy yrru'n beryglus, ac mae dau ddyn 22 oed a 25 oed hefyd wedi cael eu harestio mewn cysylltiad â'r digwyddiad.

Cysylltwch â Heddlu De Cymru drwy'r dulliau canlynol gan ddyfynnu cyfeirnod 2100166580:

Er mwyn cysylltu â ni ewch i: https://bit.ly/SWPReportOnline

Anfonwch neges breifat atom drwy Facebook/Twitter

Drwy e-bost: [email protected]

Neu ffoniwch 101