Gwrthdrawiad traffig ffyrdd angheuol ar yr A465: Teyrnged gan y Teulu

Mae teulu Mr Selway wedi talu'r deyrnged ganlynol iddo:

“Fel teulu rydym yn torri ein calonnau yn sgil y ddamwain drasig sy'n golygu bod ein teulu wedi colli tad, mab, brawd, ewythr, partner a ffrind. Rydym yn gofyn i bawb roi llonyddwch i ni ar yr adeg drist iawn hon.  Rydym yn gwerthfawrogi cymorth pawb yn ystod y cyfnod hwn.”

Mae pedwar unigolyn arall, dau ddyn 18 oed a 22 oed yn ogystal â dyn 25 oed o Gaerdydd a menyw 32 oed o Ddinbych-y-pysgod a gafodd eu hanafu yn y gwrthdrawiad yn parhau i gael triniaeth yn Ysbyty Athrofaol Cymru.

Yn y digwyddiad, bu Ford Fiesta glas mewn gwrthdrawiad â Renault Clio gwyn rhwng cyffordd Hirwaun a chyffordd Llwydcoed ar yr A465.

Mae Heddlu De Cymru yn apelio ar unrhyw un a allai fod wedi gweld y gwrthdrawiad neu'r ffordd roedd y Ford Fiesta yn cael ei yrru yn ardaloedd Merthyr Tudful ac Aberdâr yn yr oriau cyn y digwyddiad, neu unrhyw un a allai fod â fideo o gamera dashfwrdd o'r digwyddiad i gysylltu â ni, os nad ydynt eisoes wedi gwneud hynny.

Mae dyn 18 oed o Ferthyr Tudful wedi cael ei arestio ar amheuaeth o achosi marwolaeth drwy yrru'n beryglus, ac mae dau ddyn 22 oed a 25 oed hefyd wedi cael eu harestio mewn cysylltiad â'r digwyddiad.

Cysylltwch â Heddlu De Cymru drwy'r dulliau canlynol gan ddyfynnu cyfeirnod 2100166580:

Er mwyn cysylltu â ni ewch i: https://bit.ly/SWPReportOnline

Anfonwch neges breifat atom drwy Facebook/Twitter

Drwy e-bost: pu[email protected]

Neu ffoniwch 101