Ymosodiad difrifol ym Mharc Bute - Dau wedi'u harestio

Dau unigolyn yn cael eu harestio yn dilyn ymosodiad difrifol ym Mharc Bute, Caerdydd

Mae ditectifs Heddlu De Cymru yng Nghaerdydd sy'n ymchwilio i ymosodiad difrifol a ddigwyddodd tua 1.10am ddydd Mawrth 20 Gorffennaf ym Mharc Bute wedi arestio dau unigolyn.

Cafodd menyw 18 oed o Dredelerch ei harestio ar amheuaeth o glwyfo'n fwriadol a lladrad, a chafodd dyn 25 oed o Lan-yr-afon ei arestio ar amheuaeth o ymgais i lofruddio. Maent yn parhau yng ngorsaf Heddlu Bae Caerdydd.

Dywedodd y Ditectif Brif Arolygydd Mark O’Shea:

“Gwyddom fod y digwyddiad hwn wedi peri pryder i'r gymuned leol, ond hoffwn roi sicrwydd i bobl, er ei fod yn ddigwyddiad difrifol, ac yn un sy'n peri gofid heb os, achos unigol yw hwn.

"Rydym wedi gwneud cynnydd da gyda'r ymchwiliad, a hyd yn hyn rydym wedi arestio dau unigolyn. Bydd ein hymchwiliadau yn parhau nes y byddwn wedi dod o hyd i bawb fu'n gyfrifol am y digwyddiad a'u dwyn o flaen eu gwell.”

Mae dyn 54 oed o Butetown, Caerdydd yn parhau yn Ysbyty Athrofaol Cymru, mewn cyflwr sy'n peryglu ei fywyd.

Bydd mwy o batrolau yn yr ardal leol i roi tawelwch meddwl i'r gymuned leol.

Dylai unrhyw un sydd â gwybodaeth gysylltu â ni gan ddefnyddio ein porth penodol https://mipp.police.uk/operation/62SWP21B34-PO1

Fel arall, gallwch gysylltu â ni gan ddefnyddio un o'r ffyrdd canlynol gan ddyfynnu cyfeirnod 2100254215. Os byddai'n well gennych roi gwybod yn ddienw, gallwch wneud hynny drwy ffonio Taclo'r Tacle ar 0800 555 111.

• Ewch i: https://www.south-wales.police.uk/cy-GB/cysylltu-a-ni/af/cysylltu-a-ni/us/cysylltu-a-ni/darparu-mwy-o-wybodaeth-iw-hychwanegu-at-adroddiad-trosedd/
• Anfonwch neges breifat atom drwy Facebook/Twitter
• Drwy e-bost: [email protected]

Ffôn: 101