Marwolaeth Carl Chinnock: Cyhuddo Christopher George o ddynladdiad

Mae ditectifs sy'n ymchwilio i farwolaeth Carl Chinnock, gŵr 50 oed o Borthcawl, wedi cyhuddo Christopher George, sy'n 27 oed, o'r Pîl, Pen-y-bont ar Ogwr, o ddynladdiad. 

Ymddangosodd George gerbron Llys Ynadon Caerdydd heddiw (dydd Gwener 2 Gorffennaf 2021) lle gafodd ei gadw yn y ddalfa. Mae disgwyl iddo ymddangos gerbron Llys y Goron Caerdydd ar 30 Gorffennaf.

Mae partner Mr Chinnock, Sandi, wedi talu teyrnged iddo, gan ddweud: "Roedd Carl yn gofalu amdanaf, fe oedd fy nghariad, fy ffrind gorau, fy enaid hoff gytûn. Rwy'n torri fy nghalon.”

Dywedodd y Ditectif Brif Arolygydd, Mark Lewis, o Dîm Ymchwiliadau Troseddau Mawr Heddlu De Cymru:  “Er bod dyn wedi cael ei gyhuddo, rwyf am bwysleisio unwaith eto bod ein hymchwiliad yn parhau.

“Rwy'n ddiolchgar am y wybodaeth a'r cymorth a gafwyd eisoes, ond rwy'n gwneud apêl arall er mwyn adnabod y bobl sy'n ymddangos yn y delweddau atodol, sy'n dangos dau ddyn a merch yn cerdded heibio i siop sglodion ‘Mansel's’, ger ffair Traeth Coney am 11.46pm ddydd Mercher 23 Mehefin. Nid yw'r bobl hyn yn unigolion dan amheuaeth ond rwy'n credu eu bod yn dystion posibl a all ein helpu gyda'n hymholiadau.”

Os mai chi yw un o'r unigolion a welir yn mynd heibio i ffair Traeth Coney, neu os ydych yn gwybod pwy ydyn nhw neu os oes gennych wybodaeth a all helpu'r ditectifs â'u hymholiadau, cysylltwch â Heddlu De Cymru drwy un o'r dulliau canlynol, gan ddyfynnu'r rhif cyfeirnod 2100220841

• Ar-lein drwy'r Porth Cyhoeddus Ymchwiliadau Mawr: https://mipp.police.uk/operation/62SWP21B33-PO1
• Ewch i: https://www.south-wales.police.uk/cy-GB/cysylltu-a-ni/af/cysylltu-a-ni/us/cysylltu-a-ni/darparu-mwy-o-wybodaeth-iw-hychwanegu-at-adroddiad-trosedd/
• Anfonwch neges breifat atom drwy Facebook/Twitter
• Drwy e-bost: [email protected]
• Ffôn: 101