Pedwar yn cael eu dedfrydu am ymosodiad yng Nghastell-nedd

Cafodd pedwar o bobl eu dedfrydu i gyfanswm o dros 11 mlynedd yn dilyn ymosodiad ar ddau ddyn ar Heol Windsor, Castell-nedd ar 11 Mawrth eleni.

Dedfrydwyd Ricky Morgan, 25 oed i 10 mlynedd a chwe mis am Niwed Corfforol Difrifol (GBH) a Bwrgleriaeth; dedfrydwyd Dafydd Morgan, 23 oed, i bedwar mis am affräe. Mae'r ddau o Sgwâr Wellfield, Castell-nedd.

Rhoddwyd dedfryd gymunedol i Lauren Carmichael, 25 oed, a chafodd Luke Meredith, 33 oed, ei ddedfrydu i 19 wythnos yn y carchar, wedi'i ohirio am 12 mis. Mae'r ddau o St Catherine’s Close, Castell-nedd ac fe'u cafwyd yn euog o affräe.

Aethpwyd â'r ddau ddyn yr ymosodwyd arnynt i'r ysbyty ag anafiadau cyllell i'w hwyneb nad oeddent yn peryglu bywyd. Ar y pryd, anfonwyd swyddogion arfau tanio i'r ardal rhag ofn.

Dywedodd y Ditectif Arolygydd Carl Price:

“Achosodd y digwyddiad hwn yng ngolau dydd gryn fraw i'r bobl a oedd yn yr ardal ar y pryd.

“Mae goblygiadau difrifol i gario cyllell. Dyna pam ei bod hi mor bwysig i unrhyw un sy'n meddu ar wybodaeth am droseddau sy'n ymwneud â chyllell yn eu cymuned leol roi gwybod i ni. Mae'n ein helpu i greu darlun gwell o'r ardaloedd penodol y mae angen i ni eu targedu er mwyn cadw pobl yn ddiogel”.

Gallwch roi gwybod am bryderon ynghylch troseddau sy'n ymwneud â chyllell drwy un o'r ffyrdd canlynol:

• Ewch i: https://bit.ly/SWPReportOnline

• Anfonwch neges breifat atom ar Facebook/Twitter

• Drwy e-bost: [email protected]

• Ffon: 101