Ymgyrch Red Mana, yn mynd i'r afael â beiciau niwsans oddi ar y ffordd

Mae Heddlu De Cymru yn ymwybodol o'r effaith y mae beiciau oddi ar y ffordd yn ei chael ar gymunedau ledled Caerdydd a Bro Morgannwg.

Rydym yn rhannu pryderon y bydd rhywun yn cael ei anafu ac rydym yn deall y gall y sŵn effeithio ar ansawdd bywyd trigolion.

Cynhaliwyd nifer o ymgyrchoedd gyda thîm oddi ar y ffordd Cyngor Caerdydd yn barod yr haf hwn a bydd y rhain yn parhau.

Mae cyfeiriad e-bost penodedig, sef [email protected]  ar gael i'r cyhoedd roi gwybodaeth nad yw'n frys am ddefnydd anghyfreithlon a gwrthgymdeithasol o feiciau oddi ar y ffordd.

Dywedodd yr Arolygydd Jeff Lewis, o Heddlu De Cymru:

“Gwyddom ei bod yn broblem fawr i'r gymuned. Rydym yn pryderu y gallai rhywun gael niwed gan y beiciau hyn, sy'n cael eu goryrru a hefyd y sŵn, sy'n amharu ar ansawdd bywyd trigolion. 
"Y peth olaf rydym ei eisiau yw cael ein galw i safle gwrthdrawiad traffig ffyrdd lle mae plentyn wedi cael ei niweidio neu rywbeth gwaeth.
"Yn ogystal â diogelwch personol a'r agweddau ar niwsans sŵn, mae'r gyrwyr yn cyflawni troseddau traffig ffyrdd, megis gyrru heb yswiriant neu MOT bob tro y maent ar y ffordd.”

Mae'r troseddwyr hefyd yn wynebu'r risg o golli eu cartrefi oherwydd gallai'r ymddygiad gwrthgymdeithasol ac anghyfreithlon hyn arwain at achos o dorri eu cytundeb tenantiaeth gyda'r awdurdod lleol neu'r gymdeithas dai.

Ychwanegodd yr Arolygydd Lewis:

"Byddem yn annog y cyhoedd i roi gwybod am unrhyw feiciau oddi ar y ffordd drwy e-bostio [email protected].
"Y gymuned yw ein llygaid a'n clustiau, ac os gallant ddweud wrthym pwy sy'n gyfrifol am niwsans gyrru beiciau oddi ar y ffordd ac os bydd problemau, gallwn sicrhau bod ein swyddogion yn y lle cywir, ar yr adeg gywir.
“Byddwn yn gweithredu ar sail gwybodaeth a dderbynnir drwy e-bost Ymgyrch Red Mana ac, os bydd angen, yn atafaelu beiciau o gyfeiriadau cartref yn ddiweddarach.”

Ffoniwch 999 bob amser mewn argyfwng.