Gwrthdrawiad traffig ffordd angheuol yn Nhreforys: Teyrnged gan y teulu

Mae’r dyn 71 oed a fu farw ar ôl i’r Ford Fiesta roedd yn ei yrru fod mewn gwrthdrawiad ar Ffordd Clasemont, Treforys, Abertawe, wedi cael ei enwi fel John Robertson, o Blas-marl, Abertawe.

Mae ffrind a phartner John, Maggie Cornelius, wedi talu teyrnged iddo, gan ddweud:

“Bydd ffrind a phartner hirdymor John, Maggie, ei frawd David, ei chwaer-yng-nghyfraith Jill, nai John, Alex a'i wraig Amber a'i orneiaint Miles a James sy'n byw yn UDA, yn gweld eisiau John yn fawr. Yn ogystal â theulu Maggie yma yng Nghymru.

"Roedd gan John lawer o ddiddordebau ac yn ystod y blynyddoedd diwethaf ar ôl iddo ymddeol fel nyrs yn Uned Therapi Dwys ysbyty Treforys, bu'n gwirfoddoli gydag RSPB, yr Ymddiriedolaeth Genedlaethol yn Aberdulais a GGATT yn Abertawe.

"Treuliodd flynyddoedd lawer yn y Sgowtiaid yn teithio, cerdded a dringo ledled y byd – gan gynnwys Copa Mera a Gwersyll Cychwyn Everest.

"Cafodd gyfnod yn yr ysbyty eleni, ond buan y llwyddodd i ailgychwyn ei weithgareddau.

"Mae sioc ei farwolaeth sydyn wedi peri dryswch a thristwch i bob un ohonom.”

Mae swyddogion yn parhau i apelio am unrhyw dystion a allai fod wedi bod yn yr ardal ar yr un adeg neu sydd ag unrhyw wybodaeth ychwanegol am y gwrthdrawiad.

Os oes gan unrhyw un wybodaeth neu ddeunydd fideo o gamera dashfwrdd a allai helpu gyda'r ymchwiliad, cysylltwch â ni gan ddyfynnu cyfeirnod 2100305521.

• Ewch i: https://www.south-wales.police.uk/cy-GB/cysylltu-a-ni/af/cysylltu-a-ni/us/cysylltu-a-ni/darparu-mwy-o-wybodaeth-iw-hychwanegu-at-adroddiad-trosedd/
  Anfonwch neges breifat atom drwy Facebook/Twitter
  • Drwy e-bost: [email protected]lice.uk
  • Ffoniwch: 101