Croeso i Ddirprwy Brif Gwnstabl newydd, Rachel Bacon
Cynnwys y prif erthygl
Dechreuodd Dirprwy Brif Gwnstabl newydd Heddlu De Cymru, Rachel Bacon, yn ei rôl newydd yr wythnos hon (Dydd Llun 19 Ebrill).
Cafodd penodiad Mrs Bacon ei gadarnhau fis diwethaf a daw i Heddlu De Cymru o Heddlu Northumbria, lle roedd yn Brif Gwnstabl Cynorthwyol â chyfrifoldeb am Gyfiawnder Troseddol, trosedd, diogelu a'r Uned Troseddau Cyfundrefnol Rhanbarthol.
Dechreuodd DCC Bacon ei gyrfa gyda Heddlu Sussex yn 1995 cyn symud i Northumberland yn 2017.
Ar ei diwrnod cyntaf yn ei rôl newydd, dywedodd DCC Bacon:
"Rwy'n edrych ymlaen yn fawr at gefnogi'r Prif Gwnstabl fel ei Ddirprwy, a gwasanaethu cymunedau De Cymru.
"Mae'n fraint ac yn anrhydedd cael y cyfle hwn wrth i ni fynd ati i ateb heriau'r dyfodol ac edrychaf ymlaen at ddod i adnabod swyddogion, staff a gwirfoddolwyr Heddlu De Cymru."
Wrth groesawu DCC Bacon i Heddlu De Cymru, dywedodd y Prif Gwnstabl, Jeremy Vaughan:
"Hoffwn groesawu Rachel i Heddlu De Cymru.
"Fel Prif Gwnstabl Cynorthwyol profiadol yn Heddlu Northumbria, sydd hefyd yn arwain Cyngor Cenedlaethol y Prif Swyddogion yn genedlaethol ar iechyd meddwl, rwy'n hyderus y bydd Rachel yn sicrhau bod Heddlu De Cymru yn parhau i ymdrechu i ddeall ac ymateb i anghenion ein cymunedau yn y ffordd orau bosibl.
"Rwy'n siŵr y bydd, dros yr wythnosau nesaf, yn achub ar y cyfle i fynd ar hyd a lled ardal yr heddlu, a chyfarfod â chynifer o aelodau o dîm Heddlu De Cymru â phosibl."