Y diweddaraf am helynt Wentloog Avenue

Mae 12 o ddynion wedi cael eu harestio ar amheuaeth o anhrefn dreisgar, ymosod a meddu ar arfau ymosodol yn dilyn helynt ger Wentloog Avenue, Caerdydd.

Mae tri dyn yn yr ysbyty, mae'r heddlu yn parhau yn yr ardal ac mae'r ffordd yn dal i fod ar gau wrth i ymchwiliadau fynd yn eu blaen.

Credir bod y rhai a fu'n gysylltiedig â'r digwyddiad yn adnabod ei gilydd.

Cafodd swyddogion alwadau am ymosodiad yn fuan ar ôl 4pm ddoe (dydd Sul, 21 Mawrth).

O'r tri dyn sydd yn yr ysbyty, mae gan ddyn 27 oed anafiadau a allai newid ei fywyd, ac mae gan y ddau ddyn arall, sy'n 25 oed a 55 oed, anafiadau difrifol.

Canfuwyd nifer o arfau ac mae archwiliad fforensig o'r ardal yn mynd rhagddo.

Daeth yr Hysbysiad Adran 60 i rym ar gyfer ardal Wentloog Avenue am 5pm ddoe a bydd yn parhau tan 5pm heddiw (dydd Llun, 22 Mawrth).

Mae'r Hysbysiad yn rhoi awdurdod i unrhyw Gwnstabl mewn lifrai, yn yr ardal honno, arfer y pwerau o dan Adran 60 o Ddeddf Cyfiawnder Troseddol a Threfn Gyhoeddus 1994:

• i stopio a chwilio unrhyw gerddwr, neu unrhyw beth y mae’n ei gario, er mwyn chwilio am arfau ymosodol neu offer peryglus heb reswm da, neu
• i stopio a chwilio unrhyw gerbyd, ei yrrwr ac unrhyw deithiwr, er mwyn chwilio am arfau ymosodol neu offer peryglus.

Nod Adran 60 yw atal trais difrifol, canfod offer peryglus neu ddal unigolion sy’n cario arfau.

Gofynnir i unrhyw un sydd â gwybodaeth gysylltu â Heddlu De Cymru gan ddyfynnu cyfeirnod *098726

Ewch i: https://bit.ly/SWPProvideInfo

Anfonwch neges breifat atom ar Facebook/Twitter

Drwy e-bost: [email protected]

Ffôn: 101 neu Taclo'r Tacle yn ddienw ar 0800 555111.