Helynt Wentloog Avenue: Diolchwyd i'r gymuned leol am gydweithredu.

Mae Heddlu De Cymru yn parhau i ymchwilio i helynt ger Wentloog Avenue, Caerdydd, brynhawn dydd Sul, 21 Mawrth.

Mae trefniadau ynysu'r heddlu bellach wedi cael eu dileu, a hoffem ddiolch i'r gymuned leol am eu hamynedd, eu dealltwriaeth a'u cydweithrediad.

Cafodd 13 o ddynion rhwng 16 a 52 oed eu harestio ar amheuaeth o anhrefn dreisgar, ymosodiad a meddu ar arfau ymosodol.

O'r 13 o ddynion:

* Mae pedwar ohonynt yn dod o Dde Cymru.
* Mae naw ohonynt yn dod o leoedd eraill yn y DU.
* Mae 11 ohonynt wedi cael eu rhyddhau ar fechnïaeth yr heddlu.
* Ni chaiff camau pellach eu cymryd yn erbyn dau ddyn arall.

Cafodd swyddogion eu galw yn dilyn adroddiadau o ymosodiad ychydig ar ôl 4pm ddydd Sul, 21 Mawrth.

O'r tri dyn a gafodd eu hanafu yn ystod yr helynt, gwnaeth un ohonynt ddioddef anafiadau a allai newid ei fywyd.

Mae'n debyg bod y bobl a oedd yn rhan o'r digwyddiad yn adnabod ei gilydd.

Cafodd nifer o arfau eu hatafaelu.

Mae hwn yn ymchwiliad cymhleth, sy'n cynnwys nifer o heddluoedd eraill. Rydym yn rhagweld y caiff mwy o bobl eu harestio.

Gofynnir i unrhyw un sydd â gwybodaeth, neu ddeunydd fideo gan gynnwys deunydd fideo camera dashfwrdd, gysylltu â Heddlu De Cymru gan ddyfynnu cyfeirnod *098726.

Ewch i: https://bit.ly/SWPProvideInfo
Anfonwch neges breifat atom drwy Facebook/Twitter
Drwy e-bost: [email protected]
Ffôn: 101 neu'n ddienw drwy Taclo'r Tacle ar 0800 555 111.