Gorfodi rheoliadau COVID-19: Dros 100 o bobl yn cael dirwy wrth i Lywodraeth Cymru lacio'r cyfyngiadau

Ddydd Sadwrn, 27 Mawrth 2021, daeth cyfyngiadau aros yn lleol Llywodraeth Cymru i ben a chafodd y rheolau o ran nifer y bobl a all gwrdd yn yr awyr agored eu llacio.

Gall hyd at chwe pherson o ddwy aelwyd gwrdd yn yr awyr agored, gan gadw pellter cymdeithasol.

Mae'r rheolau o ran cwrdd dan do yr un peth ond, er bod y rheolau wedi'u llacio, cafodd 106 o bobl eu dirwyo gan Heddlu De Cymru am ddiystyru'r cyfyngiadau.

Rhwng nos Wener a dydd Sul, cafodd yr heddlu 261 o alwadau yn ymwneud ag achosion posibl o dorri rheolau COVID-19. Roedd y mwyafrif helaeth o'r achosion hyn yn ymwneud â phartïon mewn tai a phobl yn ymgynnull dan do.

• Pum unigolyn a aeth i barti mewn tŷ yn ardal Cwmdu, Abertawe;
• Wyth unigolyn a aeth i barti mewn tŷ yn ardal Ynysforgan, Abertawe;
• Chwe pherson a aeth i barti pen-blwydd yn ardal Townhill, Abertawe;
• Deg unigolyn a aeth i barti mewn tŷ yn ardal Porth, Rhondda Cynon Taf;
• Wyth unigolyn a aeth i briodas yn ardal Heolgerrig, Merthyr Tudful.

Mae ymholiadau ôl-ddigwyddiad yn mynd rhagddynt gyda Thimau Gorfodi ar y Cyd mewn perthynas â nifer o eiddo rhent ar a ddefnyddiwyd rhent i gynnal partïon gyda nifer mawr o bobl. Roedd un o'r rhain yn cynnwys dros 60 o bobl mewn parti mewn eiddo rhent yn Adamsdown, Caerdydd. Caiff camau ôl-weithredol eu cymryd lle y bo'n angenrheidiol ac yn briodol.

Rhoddwyd Contractau Ymddygiad Derbyniol i safleoedd a oedd yn gweini alcohol gan fod torfeydd mawr yn ymgynnull, gan gynnwys un yn ardal Cathays, Caerdydd ac un arall yn ardal Plasnewydd, Caerdydd.