Marwolaeth sydyn Mohamud Hassan: Swyddfa Annibynnol Ymddygiad yr Heddlu yn cadarnhau nad oes unrhyw dystiolaeth i awgrymu bod Mr Hassan wedi'i daseru

Mae'r canlynol yn grynodeb o ddatganiad a gyhoeddwyd gan Swyddfa Annibynnol Ymddygiad yr Heddlu ddydd Mawrth mewn perthynas â'r ymchwiliad i farwolaeth Mohamud Hassan yng Nghaerdydd:

“....nid oes unrhyw dystiolaeth i awgrymu bod Mr Hassan wedi'i taseru ar unrhyw adeg naill ai cyn neu yn ystod y cyfnod pan gafodd ei gadw yn y ddalfa.”

“Rydym yn ymwybodol bod llawer o sïon ar led am farwolaeth Mr Hassan ac yn gwybod bellach bod rhai ohonynt yn anghywir.
“Fel corff cyhoeddus, mae dyletswydd arnom i geisio cywiro camwybodaeth a allai fod yn y parth cyhoeddus, pan fyddwn yn gallu gwneud hynny.”

--

Mae'r heddlu yn parhau i gydweithredu'n llawn ag ymchwiliad Swyddfa Annibynnol Ymddygiad yr Heddlu ac yn darparu gwybodaeth a deunyddiau, gan gynnwys deunydd fideo camera a wisgir ar y corff a deunydd teledu cylch cyfyng.

Rydym yn cydnabod yr effaith y mae marwolaeth Mr Hassan wedi ei chael ar ei deulu, ei ffrindiau a'r gymuned ehangach. Rydym yn parhau i feddwl am ei deulu ac yn cynnig ein cydymdeimlad iddynt.

Mae adroddiad llawn Swyddfa Annibynnol Ymddygiad yr Heddlu ar gael yma: https://policeconduct.gov.uk/news/update-investigation-death-mohamud-mohamed-hassan-cardiff-0