Gwrthdrawiad traffig ffyrdd angheuol – teyrnged gan y teulu
Cynnwys y prif erthygl
Mae teulu dyn a fu farw ar ôl gwrthdrawiad un cerbyd yn Abertawe fore dydd Iau (4 Chwefror) wedi talu teyrnged iddo.
Bu farw Richard Clive Hixson – a adwaenid fel Clive – yn lleoliad y gwrthdrawiad, a ddigwyddodd ar gyffordd Mayals Road a Fairwood Road ychydig cyn 10.45am.
Wrth dalu teyrnged i'r dyn 65 oed, dywedodd ei deulu:
“Tristwch yw nodi marwolaeth Richard Clive Hixson, ‘Clive’ fel y'i adwaenid, yn sydyn ar 4 Chwefror.
“Mae'n gadael gwraig, Jane, a phlant, Nick, Ben, Joe a Katie, a saith o wyrion ac wyresau, a fydd yn gweld ei eisiau am byth.
“Ac yntau'n aelod annwyl o gymunedau West Cross a'r Mwmbwls, ac yn bennaeth TG ymddeoledig yn y DVLA, roedd Clive wrth ei fodd yn chwarae gyda'i wyrion a'i wyresau a gwylio rygbi. Bydd colled fawr ar ei ôl ef gan ei deulu a phawb a oedd yn ei adnabod.
“Hoffem ddiolch i'r gwasanaethau brys a'r cyhoedd a stopiodd i geisio helpu Clive wrth ymyl y ffordd.”
Mae Heddlu De Cymru yn parhau i ymchwilio i amgylchiadau'r gwrthdrawiad.
Gofynnir i unrhyw un a welodd y gwrthdrawiad, neu Toyata Yaris glas Mr Hixson yn cael ei yrru yn union cyn hynny, ffonio 101, gan ddyfynnu digwyddiad 2100040631.
Hoffai swyddogion hefyd glywed gan ddau berson a gynorthwyodd ond a adawodd y lleoliad cyn siarad â'r swyddogion; menyw a oedd yn gwisgo côt frown ac yn gyrru car coch bach o bosibl, a dyn a helpodd i gael Mr Hixson allan o'r car a dechrau adfywio cardio-pwlmonaidd.