Gwrthdrawiad traffig ffyrdd angheuol ar yr M4: Teyrnged gan y teulu

Mae enw dyn 55 oed a fu farw yn dilyn gwrthdrawiad traffig ffyrdd ar draffordd yr M4 yn ystod oriau mân y bore ddydd Mercher 6 Ionawr, wedi cael ei gyhoeddi, sef Martin Crowden, yn wreiddiol o ardal y Tyllgoed ac a oedd bellach yn byw yng Nghaerffili.

Roedd Mr Crowden yn cerdded pan gafodd ei daro gan gerbyd nwyddau trwm.

Mae gwraig Martin, Maxine, wedi talu teyrnged iddo, gan ddweud:

“Mae'n amhosibl cyfleu mewn ychydig eiriau yr effaith y mae colli Martin wedi ei chael arnom fel teulu.
“Roedd yn ŵr cariadus, yn dad i ddwy o ferched, yn frawd ac yn ffrind da i gymaint o bobl. Ni wnaethom fyth ddisgwyl ei golli mor sydyn, ac rydym ar goll yn llwyr hebddo.
“Rydym wedi cael cyfle i hel atgofion melys amdano ac rydym yn gwenu wrth feddwl am ei “symudiadau dawns doniol” neu ei jôcs “gwael” – roeddem yn arfer chwerthin cyn iddo hyd yn oed orffen ei jôcs am ein bod yn gwybod pa mor wael y byddent.
“Roedd wrth ei fodd yn gwylio Clwb Pêl-droed Dinas Caerdydd neu'n gwrando ar gerddoriaeth o'r 80au.
“Bydd pob un ohonom yn gweld ei eisiau'n ofnadwy ac mae ei golled wedi cael effaith enfawr ar y teulu cyfan.
“Fodd bynnag, mae'r caredigrwydd a'r gefnogaeth gan bobl wedi bod yn syfrdanol, a byddwn yn ddiolchgar am hynny am byth.
“Yn olaf, hoffem achub ar y cyfle hwn i ddiolch i'r holl wasanaethau brys a geisiodd helpu Martin.”

Digwyddodd y gwrthdrawiad am tua 3.45am ddydd Mercher, 6 Ionawr, ar ffordd gerbydau traffordd yr M4 tua'r gorllewin, rhwng cyffyrdd 30 a 32, Caerdydd.

Mae swyddogion Heddlu De Cymru yn parhau i alw ar unrhyw un a allai fod wedi gweld y gwrthdrawiad, neu sydd ag unrhyw ddeunydd fideo dashfwrdd, i gysylltu â nhw ar 101 gan ddyfynnu'r cofnodrif 2100005200.