Ymateb Heddlu De Cymru i raglen ddogfen llofruddiaethau Clydach BBC Cymru
Cynnwys y prif erthygl
Mae Heddlu De Cymru yn cydnabod diddordeb parhaus y cyhoedd ym marwolaethau Mandy Power, ei dwy ferch Katie ac Emily a'i mam Doris Dawson yng Nghlydach ym 1999. Rydym yn meddwl am eu teulu ac eraill y mae'r digwyddiadau trasig wedi effeithio arnynt.
Ddydd Iau 22 Hydref, darlledodd BBC Cymru raglen am y llofruddiaethau, sef yr ymchwiliad llofruddiaeth mwyaf a mwyaf cymhleth a gynhaliwyd erioed gan un o heddluoedd Cymru ac a arweiniodd at euogfarnu David George Morris yn dilyn achos yn Llys y Goron Abertawe. Cafodd yr euogfarn ei gwrthdroi ar apêl a chafwyd Morris yn euog eto mewn aildreial yn Llys y Goron Casnewydd ac fe’i dedfrydwyd i garchar am oes.
Roedd y rhaglen yn cynnwys cyfweliadau â dau aelod o'r cyhoedd a oedd yn honni nad oeddent wedi siarad â'r heddlu o'r blaen. Fel y byddech yn ei ddisgwyl, mae swyddogion bellach wedi siarad â'r ddau ddyn i weld pa wybodaeth sydd ganddynt. Rydym yn asesu'r wybodaeth hon yn ofalus a byddwn yn penderfynu ar ein camau nesaf maes o law.
Mae'r Comisiwn Adolygu Achosion Troseddol wedi ystyried euogfarn Morris am y llofruddiaethau ar fwy nag un achlysur, a hynny'n fwyaf diweddar yn 2018. Yn dilyn adolygiad trylwyr o ddeunydd yr achos, penderfynodd y Comisiwn beidio â'i gyfeirio at y Llys Apêl gan na nodwyd unrhyw dystiolaeth newydd.