Cyfyngiadau Lefel 4 y Coronafeirws – Awdurdod i gynnal gwiriadau ar y ffyrdd

Bydd Heddlu De Cymru yn arfer pwerau ychwanegol i gynnal gwiriadau ar hap ar gerbydau dros gyfnod y Nadolig, yn dilyn penderfyniad Llywodraeth Cymru i gyflwyno cyfyngiadau Lefel 4 y coronafeirws ledled Cymru gyfan.

O dan Lefel Rhybudd 4, disgwylir i'r cyhoedd aros gartref a pheidio â theithio heb esgus rhesymol.  Caiff y cyfyngiadau eu llacio Ddydd Nadolig, pan fydd hawl gan y cyhoedd i deithio i gymysgu ag un aelwyd arall.

Er mwyn cefnogi'r ymdrech genedlaethol i helpu i arafu lledaeniad y feirws, a helpu i orfodi'r cyfyngiadau, rhoddwyd awdurdod i'n swyddogion stopio unrhyw gerbyd sy'n teithio yn ardal yr heddlu.

Caiff gwiriadau eu cynnal er mwyn canfod y rheswm dros deithio.

Bydd ein swyddogion yn parhau i ddilyn y dull cenedlaethol o ymgysylltu â'r cyhoedd, egluro'r cyfyngiadau ac annog cydymffurfiaeth wirfoddol. Fodd bynnag, gall y rheini y credir eu bod yn amlwg yn torri'r rheolau ddisgwyl wynebu camau gorfodi.

Daeth y pŵer i rym am 7am ar ddydd Mawrth, 12 Rhagfyr a chaiff ei adolygu ddydd Llun, 4 Ionawr.