Heddlu De Cymru Canllawiau Cyfweliad

Beth i'w ddisgwyl o'ch cyfweliad

Mae Heddlu De Cymru yn defnyddio dull ar sail cymhwysedd a sgiliau er mwyn asesu yn eu proses gyfweld

Byddwch yn derbyn manylion eich cyfweliad dros e-bost, a bydd gofyn i chi drefnu amser ar gyfer cyfweliad ar gyfer un o'r amseroedd sydd ar gael. Bydd yr e-bost yn amlinellu unrhyw asesiadau ychwanegol y gellir eu cynnal cyn neu yn ystod y cyfweliad.

I ni, mae cyfweld yn cynnig y buddiannau canlynol:

• Cyfarfod unigolyn wyneb yn wyneb
• Gofyn cwestiynau sydd wedi'u targedu sy'n gysylltiedig â'r swydd
• Gofyn yr un cwestiynau i nifer o bobl mewn amgylchedd tebyg

Bydd y panel cyfweld fel arfer yn cynnwys 3 aelod, gan gynnwys y rheolwr hurio, arbenigwr pwnc ac aelod annibynnol o'r panel.

Egwyddorion i'w hystyried

Perthnasedd

Mae pob un o'r cwestiynau wedi'u datblygu i adlewyrchu'r tasgau y gallai fod yn rhaid i chi ymgymryd â nhw yn y rôl.

Sgorio

Byddwch yn cael eich sgorio ar raddfa 1-5 yn seiliedig ar yr atebion rydych yn eu rhoi ar gyfer pob cwestiwn.

Cysondeb

Bydd pob ymgeisydd yn cael yr un cwestiynau a strwythur cyfweliad  Mae pob asesydd wedi cwblhau hyfforddiant i gymryd rhan yn y cyfweliad er mwyn sicrhau tegwch a chysondeb.

Cwestiynau ar sail cymhwysedd

Yma yn Heddlu De Cymru, rydym yn defnyddio dull ar sail cymhwysedd a sgiliau er mwyn asesu yn ein proses gyfweld.

Mae cyfweliad ar sail cymhwysedd wedi'i ddylunio er mwyn asesu eich addasrwydd ar gyfer y rôl rydych wedi gwneud cais amdani ac er mwyn deall pa mor dda y byddwch yn ffitio yn y sefydliad.

Mae cwestiynau ar sail cymhwysedd yn rhoi gwybod i'r cyfwelydd am y ffordd y mae ymgeisydd wedi ymdrin â sefyllfaoedd yn y gorffennol a'r ymddygiad y byddent yn dangos mewn senarios gwahanol. Bydd gofyn i chi roi enghreifftiau a thystiolaeth o waith go iawn.

Adolygwch broffil y rôl cyn eich cyfweliad er mwyn deall y cymwyseddau y byddwch yn cael eich asesu yn eu herbyn a dechrau meddwl am enghreifftiau o adegau pan rydych wedi dangos tystiolaeth o'r rhain.

Mae cwestiwn ar sail cymhwysedd fel arfer yn dechrau â 'rhowch enghraifft o..."neu 'Dywedwch wrthyf am adeg pan...".

Fframwaith Cymhwysedd a Gwerth

• Mae ein cwestiynau cyfweliad wedi'u dylunio ar sail ein Fframwaith Cymhwysedd a Gwerth.
• Mae'r Fframwaith Cymhwysedd a Gwerth yn darparu disgwyliadau clir i bawb sy'n gweithio o fewn plismona.
• Mae'n disgrifio'r ymddygiad sy'n ofynnol gennych chi, fel aelod o'r staff, i fod yn effeithiol yn eich rôl. Mae'r chwarae rôl hanfodol wrth recriwtio, asesu a datblygu swyddogion a staff ar bob lefel.
• Mae'r Fframwaith Cymhwysedd a Gwerthoedd yn cynnwys 3 gwerth allweddol a 6 chymhwysedd.
• Gallwch gael rhagor o wybodaeth yma:Fframwaith cymhwysedd a gwerth | Y Coleg Plismona

Sut i strwythuro eich atebion

Efallai eich bod eisoes yn defnyddio strwythur rydych yn gyfforddus ag ef, ond os nad ydych, gall yr isod fod yn un defnyddiol i'w ystyried wrth roi ateb:​

Mae STAR yn ffordd o strwythuro tystiolaeth pan fyddwch yn rhoi ateb i gwestiwn.

Situation (Sefyllfa)

Task (Tasg)

Action (Gweithredu)

Results (Canlyniad)

Mae S yn sefyll am Sefyllfa (Situation) – Disgrifiwch ddigwyddiad neu sefyllfa yr oeddech ynddo/ynddi. Gallwch ddewis sefyllfa o brofiad gwaith, addysg, swydd wirfoddol, neu unrhyw ddigwyddiad perthnasol arall. Byddwch mor fanwl â phosibl.​

Mae T yn sefyll am Tasg (Task) – Esboniwch y dasg benodol yr oedd yn rhaid i chi ei chwblhau.​

Mae'r A yn sefyll am Action (Gweithredu) – Disgrifiwch y camau gweithredu y gwnaethoch eu cymryd i gwblhau'r dasg.

Mae R yn sefyll am Canlyniad (Result) – gorffennwch â chanlyniadau eich camau gweithredu a'r casgliad.

Y Cod Moeseg

Cyn eich cyfweliad, rydym yn awgrymu eich bod yn ymgyfarwyddo â'n Cod Moeseg.

Mae'r Cod Moeseg yn gynhwysol ac yn cynnwys pawb yn ein teulu plismona.

Mae dwy ran iddo:

• Egwyddorion plismona moesegol

Byddwn yn defnyddio'r egwyddorion plismona moesegol er mwyn ein helpu i wneud penderfyniadau proffesiynol ac adlewyrchu arnynt.

• Canllawiau ar gyfer ymddygiad moesegol a phroffesiynol ym maes plismona

Mae'r rhain yn disgrifio sut y dylai gweithwyr plismona proffesiynol ymddwyn ac yn helpu pawb mewn plismona i roi'r egwyddorion plismona moesegol ar waith yn eu rolau.

Awgrymiadau Defnyddiol

Gwnewch eich ymchwil - Bydd deall ein gweledigaeth a'n blaenoriaethau yn dangos i ni fod gennych ddiddordeb mewn gweithio gyda ni. Amdanom ni | Heddlu De Cymru

Adolygwch broffil y rôl – Sicrhewch eich bod yn gyfarwydd â'r meini prawf hanfodol a'r rhinweddau personol sydd eu hangen ar gyfer y rôl.

Meddyliwch am eich tystiolaeth a'ch enghreifftiau – bydd hyn yn eich helpu i baratoi ar gyfer y cwestiynau cyfweliad ar sail cymhwysedd; Nod y cyfweliad yw dangos eich sgiliau chi. Pan fyddwch yn rhoi enghreifftiau ceisiwch osgoi cyfeirio at ‘ni’ ac yn hytrach ceisiwch eu strwythuro â ‘fi’ a pha rôl oedd gennych a'r canlyniad.

Gofynnwch gwestiynau – Mae'n bwysig eich bod yn cofio mai'r cyfweliad yw'r amser rydych chi fel ymgeisydd yn ei gael i siarad â'r cyflogwr. Mae'n iawn i ofyn cwestiynau mewn cyfweliad.

Cynlluniwch ymlaen llaw – Bydd y cyfweliadau yn cael eu cynnal yn un o'n lleoliadau, gwnewch yn siŵr eich bod yn cynllunio'ch siwrne er mwyn cyrraedd yn brydlon. Cofiwch ddod â'ch cerdyn adnabod a chopïau o unrhyw gymwysterau sy'n hanfodol ar gyfer y rôl.

​