Pwerau stopio a chwilio yr heddlu

Mae’n bwysig eich bod yn ymwybodol o’ch hawliau a’ch cyfrifoldebau mewn achos o stopio a chwilio. Mae swyddogion yn gyfrifol am wneud yn siŵr bod eich hawliau’n cael eu gwarchod. Yn eu tro, maent yn disgwyl i aelodau'r cyhoedd i ymddwyn mewn modd rhesymol a pharchus.

Pan fydd yr heddlu'n amau trosedd

Rhaid bod gan swyddog heddlu reswm da i’ch stopio a/neu eich chwilio.

Rhaid i'r swyddog fod wrthi’n chwilio am eitemau sydd i'w defnyddio mewn cysylltiad â thrais neu aflonyddwch sy'n ymwneud ag adran 1(8) o Ddeddf yr Heddlu a Thystiolaeth Droseddol 1984. Mae hyn yn cynnwys diwygiadau yn sgil adran 10 o Ddeddf Trefn Gyhoeddus 2023, sy'n ehangu'r troseddau a amheuir.

Mae'n rhaid i'r swyddog ddweud wrthych beth yw'r rheswm hwn.

Pan fydd yr heddlu'n disgwyl trais neu aflonyddwch, neu ar ôl hynny

Mewn rhai achosion, caiff pobl eu stopio fel rhan o ymdrech eang i ddal troseddwyr mewn man cyhoeddus a dargedir. It means that police officers can stop and search people and vehicles when there is no suspicion. A senior officer has to agree to this.

Daw’r pwerau hyn o dan dwy ddeddf:

• Adran 60, Deddf Cyfiawnder Troseddol a Threfn Gyhoeddus 1994
• Ddeddf Trefn Gyhoeddus 2023, Adran 11 - yr hyn sy'n cyfateb yn benodol i brotest yn adran 60

Dylai'r swyddog egluro hyn i chi. Bydd hyn yn broffesiynol ac yn gyfreithiol. Dim ond os ydyn ni’n credu bod sefyllfaoedd penodol yn digwydd y bydd hyn yn cael ei wneud.

Os ydyn ni’n credu: y bydd yna drais difrifol a bod angen atal y digwyddiad, bod angen inni ddod o hyd i offerynnau neu arfau sydd wedi’u defnyddio, neu fod pobl yn eu cario nhw heb reswm da yn ardal yr heddlu.

Y gallai trosedd sy'n benodol i brotest ddigwydd, a bod rhywun yn cario rhywbeth sydd wedi'i fwriadu, neu wedi’i wneud, ar ei gyfer.

Dim ond fel a ganlyn y caiff y fenter ddigwydd:

• am hyd at 24 awr, a gellir ei ymestyn am 24 awr arall
• o fewn ardal y swyddog heddlu