Eich hawliau stopio a chwilio
Rhaid i’r broses o stopio a chwilio gael ei defnyddio mewn ffordd effeithiol sy'n ennyn hyder y cyhoedd ac sy'n cael ei graffu'n annibynnol.
- nid oes gan y swyddog y pŵer i’ch cadw er mwyn dod o hyd i sail ar gyfer eich chwilio
- rhaid i’r swyddog sy’n eich chwilio ddefnyddio’r pwerau stopio a chwilio yn deg, cyfrifol a gyda pharch at bobl heb wahaniaethu
- os nad yw Cymraeg neu Saesneg yn iaith gyntaf i chi, ac nad ydych yn deall pam eich bod wedi cael eich stopio, rhaid cymryd camau i ddarparu gwybodaeth i chi yn eich iaith eich hun. Er enghraifft, gofyn i berson sydd gyda chi i gyfieithu pam rydych chi wedi cael eich stopio
- rhaid i’r swyddog gadw’r amser chwilio i’r cyfnod byrraf posibl sydd ei angen arno i gynnal y chwiliad
- rhaid i’r chwilio ddigwydd yn agos i lle rydych yn cael eich stopio, ac eithrio mewn achosion lle byddai eich symud yn gwarchod eich preifatrwydd
Ni ddylech gael eich stopio ond oherwydd, neu eich cam-drin oherwydd, eich:
- oedran
- hil
- rhyw, rhywedd neu ailbennu rhywedd
- cyfeiriadedd rhywiol
- cefndir ethnig
- cenedligrwydd
- ffydd neu gred
- anabledd
- yr iaith rydych chi'n ei siarad neu
- gan eich bod wedi cyflawni trosedd yn y gorffennol
Mae'r Coleg Plismona (CoP) yn datblygu a chymeradwyo canllawiau proffesiynol ar gyfer plismona. Maent wedi cyhoeddi Arfer Proffesiynol Awdurdodedig (APP) stopio a chwilio. Mae hyn yn diffinio stopio a chwilio teg ac effeithiol.
Eich help chi i atal troseddau a dal troseddwyr
Mae'r heddlu'n ymwybodol bod cael eich chwilio yn anghyfleus. Gall pobl deimlo'n flin eu bod nhw wedi cael eu stopio - mae hynny'n gwbl ddealladwy. Dylai swyddogion heddlu wneud y chwiliad mor fyr â phosibl, ond er budd diogelwch y cyhoedd mae’n rhaid iddyn nhw fod yn drylwyr hefyd.
- cofiwch, dyw hyn ddim yn golygu bod person yn euog o drosedd neu wedi cael ei arestio
- bydd y stopio neu'r stopio a chwilio yn llawer cynt os byddwch chi'n cydweithredu
- cydymffurfiwch â’r broses stopio a chwilio bob amser, achos yn ôl y gyfraith nid rhywbeth gwirfoddol mohono
- siaradwch â'r swyddog os ydych chi’n credu bod eich hawliau'n cael eu torri
Does dim angen eich caniatâd chi ar swyddogion i fynd trwy'ch eiddo. Os gwrthodwch chi, fe allwch chi gael eich chwilio drwy ddefnyddio grym rhesymol.