Eich hawliau a chyngor os ydych chi eisiau gadael cartref

Pryd gewch chi adael cartref

Os ydych chi’n 16 oed neu'n hŷn

Pan fyddwch yn 16 oed, fel arfer bydd gennych hawl i adael cartref ac ni all eich rhieni, eich gofalwyr nac unrhyw un arall yr ydych yn byw gyda nhw eich atal. Os ydych chi’n cael eich riportio fel person ar goll, gallwch ddweud wrth yr heddlu eich bod yn ddiogel ac yn iach, ac ni fyddwn yn dweud wrth unrhyw un lle’r ydych chi os nad ydych chi’n dymuno.

Ond efallai bydd pethau ychydig yn wahanol os oes gorchymyn llys yn dweud bod rhaid i chi fyw gyda rhywun.

Cyngor a chymorth i bobl sydd ar goll

Os ydych chi dan 16 oed

Os ydych chi dan 16 oed, mae gan eich rhieni neu'ch gofalwyr ddyletswydd i'ch cadw'n ddiogel, sy'n golygu na allwch adael cartref.

Os byddwch yn rhedeg i ffwrdd o’ch cartref a’ch bod ar goll, byddwn fel arfer yn mynd â chi adref os byddwn yn dod o hyd i chi. Ond cofiwch ddweud wrthym os nad ydych chi’n teimlo’n ddiogel gartref. Gallwn ni eich helpu.

Cymorth i adael cartref mewn sefyllfa anodd

Os ydych chi dros 16 oed ac am adael cartref, ond bod hynny’n anodd am ryw reswm (er enghraifft, mae person sy'n eich cam-drin yn eich atal chi), gallwch ofyn i ni am help i adael cartref.

Ffoniwch 999 os ydych chi mewn perygl a bod angen help arnoch ar frys. Os ydych chi’n fyddar neu'n drwm eich clyw, defnyddiwch eich gwasanaeth ffôn testun 18000 neu anfonwch neges destun atom ar 999 os ydych chi wedi cofrestru ymlaen llaw gyda'r gwasanaeth SMSbrys.

Neu ffoniwch 101 os nad yw’n argyfwng.