Teithio i'r Deyrnas Unedig gydag arfau tanio

O dan adran 17 o Ddeddf Arfau Tanio (Diwygio) 1988, mae ymwelydd â Phrydain Fawr, os rhoddwyd 'trwydded ymwelydd' iddo, yn cael meddu ar arfau tanio, drylliau a bwledi neu getris heb ddal tystysgrif arf tanio neu dystysgrif dryll y Deyrnas Unedig.

Mae trwydded ymwelydd yn caniatáu i breswylydd tramor deithio i'r Deyrnas Unedig i fynd i ddigwyddiadau saethu amrywiol. Bydd ar yr ymwelydd angen noddwr sy'n preswylio yn y Deyrnas Unedig. Does dim angen i'r person hwn fod yn ddeiliad tystysgrif.

Gall trwydded fod yn ddilys am hyd at ddeuddeng mis, ond bydd y dilysrwydd fel arfer yn gysylltiedig â hyd yr ymweliad arfaethedig.

Rhagor o wybodaeth am sut i wneud cais am drwydded ymwelydd.