Beth yw statws fy nghais DBS?
Os ydych chi wedi bod yn aros am dros 60 diwrnod ar gyfer eich cais DBS, darganfyddwch isod sut i wirio ei statws.
Gwiriwch ar-lein
Y ffordd gyflymaf a hawsaf o wirio statws eich cais DBS yw trwy ddefnyddio gwasanaeth ar-lein llywodraeth y DU.
Ffoniwch ni
Os ydych chi'n cael unrhyw drafferth defnyddio gwasanaeth ar-lein y llywodraeth uchod, ffoniwch linell y Gwasanaeth Datgelu a Gwahardd ar 03000 200 190 (03000 200 191 am Gymraeg). Dylent allu eich diweddaru ar sut mae'ch cais DBS yn dod yn ei flaen.
Beth sy'n achosi'r oedi?
Rhaid i heddluoedd lleol adolygu gwiriadau DBS gwell fel rhan o'r gwasanaeth datgelu. Gall hyn ychwanegu at yr amser y mae'n ei gymryd i brosesu'ch gwiriadau.
Rydym yn ymwybodol bod rhai ceisiadau yn cymryd llawer mwy o amser na'n targed uwchgyfeirio 60 diwrnod. Mae rhai ceisiadau yn cymryd hyd at 100 diwrnod. Mae hyn yn bryder difrifol i ni ac rydym yn deall yr effaith y gall hyn ei chael ar ymgeiswyr a chyflogwyr.
Ymddiheurwn am yr oedi hwn. Rydym yn gweithio i wella amseroedd prosesu ar gyfer gwiriadau DBS cyn gynted â phosibl.
Os oes gennych ymholiad cyffredinol pan na fydd y Ganolfan Gyswllt ar gael, gallwch ddal gysylltu â’r DBS drwy’r dulliau canlynol:
- e-bost: [email protected]
- e-bost (ar gyfer ymholiadau gwahardd): [email protected]
- Twitter: @DBSgovuk