Ymgyrch Beaconport
Menter blismona genedlaethol yw Ymgyrch Beaconport a sefydlwyd i adolygu ymchwiliadau a oedd wedi’u cau’n flaenorol i achosion o gam-drin a cham-fanteisio’n rhywiol ar blant gan grwpiau.
Ar hyn o bryd, mae’r ymgyrch yn adolygu achosion ledled Cymru a Lloegr rhwng 1 Ionawr 2010 a 31 Mawrth 2025, yn dilyn adroddiad gan y Farwnes Casey.
Mae’r prif nodau’n cynnwys:
- nodi cyfleoedd i sicrhau cyfiawnder
- cefnogi dioddefwyr a goroeswyr
- cryfhau trefniadau diogelu
- gwella ymchwiliadau yn y dyfodol
I Am Ready
Fel rhan o’r adolygiad hwn, gall unrhyw un sydd wedi cael ymchwiliad i gam-drin rhywiol wedi’i gau yn flaenorol gael cyngor ac arweiniad arbenigol ar opsiynau ar gyfer cael eu hachos wedi’i adolygu trwy wefan I Am Ready.
Drwy ateb nifer fach o gwestiynau wedi’u cynllunio’n sensitif trwy borth ar-lein, cyfeirir dioddefwyr a goroeswyr at y wybodaeth, y gwasanaeth cymorth neu’r opsiwn adolygu sydd fwyaf perthnasol i’w hamgylchiadau. Gall hyn gynnwys:
- Ymgyrch Beaconport
- y Panel Adolygu Cam-drin Plant yn Rhywiol (CSARP)
- Hawl Dioddefwyr i Adolygiad
- gwybodaeth am riportio cam-drin i’r heddlu
- gwasanaethau cymorth arbenigol
Bydd ceisiadau’n cael eu derbyn a’u hadolygu gan swyddogion sydd wedi’u hyfforddi’n arbennig, a bydd gan y rhai sy’n riportio yr opsiwn i dderbyn diweddariadau rheolaidd.
Mae’r gwasanaeth yn caniatáu i bobl gymryd seibiannau ac ymgysylltu â’r broses mewn ffordd sy’n teimlo’n iawn iddyn nhw. Mae’r wefan hefyd yn cynnig canllawiau a chyngor cyffredinol ar riportio gwybodaeth i’r heddlu a chael mynediad at Gynghorwyr Trais Rhywiol Annibynnol (ISVAau) a gwasanaethau cymorth arbenigol i ddioddefwyr.
Dysgwch fwy
Gallwch ddysgu rhagor am Ymgyrch Beaconport yn I Am Ready.