Cyngor am ffonau symudol
Gwybodaeth am sut i amddiffyn eich hun rhag i’ch ffôn symudol gael ei ddwyn, a sut i osod eich ffôn i'ch helpu os bydd yn cael ei ddwyn.
Amddiffynnwch eich hun rhag i’ch ffôn symudol gael ei ddwyn
- Peidiwch â gadael eich ffôn, eich iPad, eich llechen neu’ch camera heb eu goruchwylio, allan o'ch golwg, na’u gadael nhw ar ben bwrdd. Gall lladron fachu ffôn o fwrdd mewn eiliadau.
- Byddwch yn ymwybodol o'ch amgylchoedd, a defnyddio'ch ffôn symudol pan fydd hi’n teimlo'n ddiogel i wneud hynny yn unig.
- Ar ôl gorffen ei ddefnyddio, rhowch y ffôn i gadw.
Pethau i'w gwneud nawr a fydd yn helpu os caiff eich ffôn ei ddwyn
Gwarchodwch eich ffôn
Defnyddiwch nodweddion diogelwch eich ffôn i atal rhywun rhag defnyddio’ch ffôn os bydd yn cael ei ddwyn. Dewiswch PIN, cod, cyfrinair neu batrwm cryf.
Mynnwch eich rhif IMEI
Mynnwch rif IMEI eich ffôn drwy deipio *#06# ar y bysellfwrdd. Cadwch nodyn ohono yn rhywle heblaw eich ffôn. Gall yr IMEI helpu i olrhain y ffôn os caiff ei golli neu ei ddwyn.
Defnyddiwch ap tracio
Gosodwch ap tracio ar eich ffôn er mwyn gweld ble mae’r ffôn ar ddyfais arall fel gliniadur. Defnyddiwch yr ap cyn gynted â phosibl, cyn i’r lladron gael cyfle i'w analluogi.
Diffoddwch ragolygon neges
Diffoddwch ragolygon neges, fel na fydd lladron yn gweld unrhyw negeseuon ynghylch codau ailosod neu godau mewngofnodi pan fydd eich ffôn wedi'i gloi.
Gwnewch yn siŵr eich bod yn dal i allu cyrchu’ch data
Gwnewch yn siŵr:
- bod data’ch ffôn yn cael ei gopïo’n rheolaidd, naill ai dros wi-fi yn awtomatig neu drwy ei blygio i mewn i gyfrifiadur
- bod rhywle arall gennych lle gall codau mynediad gael eu hanfon (codau dilysu dau ffactor) er mwyn cael mynediad at eich data o ddyfais arall
- eich bod yn cadw gwybodaeth bwysig fel rhifau ffôn teulu a ffrindiau a chyfrineiriau yn ddiogel rywle arall, nid ar eich ffôn yn unig
Help i osod eich ffôn
Gweler tudalennau help eich dyfais i gael cymorth i dracio lleoliad y ddyfais, adfer cyfrifon a gosodiadau rhagolygon neges.