Riportio sbeicio
Bydd y gwasanaeth hwn yn eich helpu i riportio troseddau sbeicio, gan gynnwys sbeicio diodydd, sbeicio â nodwydd, sbeicio bwyd, sbeicio e-sigaréts, neu ymgais i sbeicio.
Gallwch hefyd ddefnyddio’r gwasanaeth hwn i riportio troseddau a ddigwyddodd o ganlyniad i sbeicio, fel ymosodiad rhywiol, lladrad neu droseddau treisgar.
Defnyddiwch y botwm 'Allanfa gyflym' os oes angen. Bydd yn cau'r safle hwn ac yn agor peiriant chwilio Google. Ni fydd eich ffurflen yn cael ei chadw ac ni fydd yn cael ei hanfon atom.
Offeryn cyngor
Riportio sbeicio neu ymgais i sbeicio ac ymosodiad rhywiol os oes mwy na deng diwrnod wedi mynd heibio
Gallwch ddweud wrthym am sbeicio neu ymgais i sbeicio ac ymosodiad rhywiol drwy lenwi’r ffurflen hon ar-lein. Mae unrhyw wybodaeth y byddwch yn ei hanfon atom ar y ffurflen yn ddiogel.
Beth fydd yn cael ei ofyn
Byddwn yn gofyn am y canlynol:
- eich manylion
- pryd a ble y digwyddodd
- beth ddigwyddodd, yn eich geiriau eich hun
- manylion yr unigolyn neu’r unigolion sy'n ymwneud â’r mater
Efallai na fyddwch yn gwybod neu'n cofio’r manylion i gyd. Mae hynny’n iawn, dim ond i chi ddweud popeth y gallwch chi.
Beth fydd yn digwydd i’ch adroddiad
P’un a ydych chi’n riportio ar-lein neu’n siarad â swyddog yn uniongyrchol bydd ein hystafell reoli yn delio â’ch adroddiad yr un modd yn union.
Os ydych chi wedi dweud y gallwn ni gysylltu â chi, byddwn yn dod yn ôl atoch o fewn 24 awr fan bellaf, neu ar adeg rydych chi wedi gofyn i ni wneud hynny.
Riportio yn ddienw
Gallwch riportio yn ddienw. Efallai na fydd modd i ni ymchwilio'n llawn i’r digwyddiad os na fyddwch yn rhoi eich manylion i ni.
Gallwch roi eich manylion i ni yn nes ymlaen os byddwch yn newid eich meddwl.
Os na fyddwch yn rhoi eich manylion i ni, fyddwn ni ddim yn ceisio cysylltu â chi oni bai ein bod yn credu eich bod chi neu rywun arall mewn perygl.
Os nad ydych chi eisiau cymorth gennym, gofynnwch am gymorth ar gyfer trais ac ymosodiad rhywiol yn rhywle arall (mae’n agor mewn ffenestr newydd fel bod modd i chi ddychwelyd at y ffurflen hon).
Pa mor hir mae’n ei gymryd i lenwi’r ffurflen hon
Amser i’w llenwi ar gyfartaledd: 20 i 30 munud.
Rhaid i chi gwblhau pob cam ar y ffurflen o fewn dwy awr.
Cliciwch ‘Dechrau’ pan fyddwch yn barod.