Riportio treisio, ymosod rhywiol a throseddau rhywiol eraill
Ydych chi neu rywun arall mewn perygl uniongyrchol neu wedi'ch anafu?
Os ydych chi neu rywun arall wedi cael eich anafu'n ddifrifol neu mewn perygl o ddioddef ymosodiad neu gael eich brifo, ffoniwch 999 nawr. Gallwn anfon rhywun i helpu ar unwaith.
Bydd y gwasanaeth hwn yn eich helpu i riportio treisio ac ymosod rhywiol, a throseddau rhywiol eraill fel dinoethi anweddus ac uwchsbecian. Gallwch riportio aflonyddu rhywiol drwy ddefnyddio'r gwasanaeth hwn hefyd.
Yn gyntaf, byddwn yn gofyn rhai cwestiynau ichi i sicrhau mai riportio ar-lein yw’r cam cywir i chi, ac er mwyn inni roi'r ffurflen gywir ichi i’w llenwi.
Wedyn byddwch yn llenwi’r adroddiad ei hun.
Bydd hyn yn cymryd rhyw 20 i 30 o funudau, felly gwnewch yn siŵr eich bod yn ddiogel i gymryd yr amser hwnnw.
Ni fyddwn yn eich barnu, byddwn yn eich trin â pharch, a byddwn bob amser yn rhoi eich iechyd a'ch lles chi yn gyntaf.
Gallwch riportio rhywbeth sydd wedi digwydd i chi, neu i rywun arall. Gallwch riportio’n ddienw, heb roi eich manylion inni.
Defnyddiwch y botwm 'Allanfa gyflym' os oes angen. Bydd hwnnw’n cau'r wefan hon ac yn agor peiriant chwilio Google. Ni fydd eich ffurflen yn cael ei chadw ac ni fydd hi’n cael ei hanfon atom.
Offeryn cyngor
Riportio troseddau rhywiol eraill i’r heddlu ar ran rhywun arall
Sut i riportio
Os nad yw'n argyfwng, gallwch riportio troseddau rhywiol, gan gynnwys fflachio, dinoethi anweddus, uwchsbecian, aflonyddu rhywiol, sbecian neu bornograffi dial inni ar-lein.
Gallwch riportio ar ran rhywun arall os ydych yn ffrind neu'n aelod o'r teulu, neu os ydych chi o asiantaeth gymorth mae'r dioddefwr wedi gofyn iddi am help.
Byddwn yn gofyn a ydych chi wedi cael caniatâd y dioddefwr i riportio’r peth i’r heddlu, ac a gawn ni gysylltu â nhw.
Beth fyddwn ni’n ei ofyn
Byddwn yn gofyn am y canlynol:
- eich manylion chi
- manylion y dioddefwr
- pryd a ble digwyddodd y peth
- manylion y person neu'r bobl a gyflawnodd y drosedd
- beth ddigwyddodd, yn eich geiriau chi neu yng ngeiriau’r dioddefwr eu hunain
Efallai na fyddwch yn gwybod neu na fydd y dioddefwr yn cofio’r manylion i gyd. Mae hynny'n iawn. Dywedwch beth allwch chi.
Beth fydd yn digwydd i’ch adroddiad ar-lein
Bydd tîm ein hystafell reoli yn ymdrin â’ch adroddiad yn yr un ffordd yn union p’un a fyddwch chi’n riportio ar-lein neu’n ffonio 101.
Os dywedwch ein bod ni'n cael cysylltu â chi, dylech glywed gennym o fewn wyth awr, ac yn aml yn llawer cynt.Riportio’n ddienw
Mae adroddiadau dienw yn ddefnyddiol inni ond os na fyddwch yn rhoi manylion cyswllt inni, efallai na fyddwn yn gallu ymchwilio'n llawn i'r digwyddiad.
Gallwch roi’ch manylion inni yn nes ymlaen os byddwch yn newid eich meddwl.
Os na fyddwch chi’n rhoi’ch manylion inni, dim ond os ydyn ni’n credu eich bod chi neu rywun arall mewn perygl y byddwn yn ceisio cysylltu â chi.
Faint o amser mae’n ei gymryd i lenwi’r ffurflen hon
Amser cwblhau ar gyfartaledd: 20 i 30 munud.
Rhaid i chi lenwi pob cam o'r ffurflen o fewn dwy awr.
Pan fyddwch chi’n barod, cliciwch ar 'Dechrau' i ddechrau.