Riportio treisio ac ymosodiadau rhywiol a ddigwyddodd beth amser yn ôl
Gallwch riportio ymosodiad rhywiol neu dreisio a ddigwyddodd ar unrhyw adeg i ni, hyd yn oed os oedd fisoedd, blynyddoedd neu ddegawdau yn ôl. Rydym yn cymryd pob adroddiad o ddifrif, ni waeth faint o amser sydd wedi mynd heibio.
Rydyn ni’n yn deall bod llawer o resymau pam nad yw rhywun efallai'n teimlo'n barod i ddweud wrth neb am yr hyn sydd wedi digwydd ar unwaith. Rydyn ni hefyd yn gwybod ei bod yn gyffredin i oroeswyr gymryd amser i sylweddoli bod yr hyn sydd wedi digwydd yn drosedd.
Beth sy'n digwydd ar ôl ichi riportio’r drosedd
Bydd swyddog arbenigol yn trefnu ymweld â chi, i esbonio’ch opsiynau ynghylch gwneud cwyn ffurfiol a beth allai ddigwydd mewn ymchwiliad.
Byddwn yn gwneud popeth o fewn ein gallu i gasglu tystiolaeth ac adeiladu achos, ni waeth pa mor hir yn ôl y digwyddodd y drosedd.
Rydyn ni’n rhoi eich dymuniadau chi wrth wraidd popeth a wnawn. Os penderfynwch chi nad ydych chi am fod yn rhan o ymchwiliad, gall gwneud datganiad ffurfiol fod o gymorth o hyd. Mae pob adroddiad yn werthfawr inni.
Byddwn yn eich cefnogi drwy’r broses i gyd a byddwn yn cynnig eich cyfeirio at gymorth arbenigol.
Rhagor am beth sy’n digwydd ar ôl ichi riportio treisio neu ymosodiad rhywiol (bydd rhywfaint o'r cyngor ar y dudalen hon yn gymwys i ddigwyddiadau diweddar yn unig, ond bydd llawer o bethau yr un fath).