Cydsyniad

Beth sy'n gwahanu rhyw neu anwyldeb o dreisio neu ymosodiad rhywiol? Yr ateb yw cydsyniad.

Ystyr cydsyniad yw cytuno i'r hyn sy'n digwydd drwy ddewis, a bod â’r rhyddid a'r gallu i wneud y dewis hwnnw neu ei newid.

• Cewch newid eich meddwl unrhyw bryd a thynnu’ch cydsyniad yn ôl ar gyfer unrhyw beth rhywiol rydych chi’n ei wneud.
• Os bydd rhywun yn dal ati ar ôl ichi ofyn iddyn nhw stopio, mae hynny'n dal yn dreisio neu ymosodiad rhywiol, hyd yn oed os dywedoch chi ‘ie’ yn wreiddiol.
• Nid yw dweud ‘ie’ i un peth yn golygu eich bod wedi cydsynio i unrhyw beth arall.
• Os ydych chi dan fygythiad neu dan bwysau i wneud rhywbeth, yna dydych chi ddim wedi cydsynio'n rhydd ac mae'n drosedd.
• Os na allwch chi roi’ch cydsyniad yn rhydd, yna mae'n drosedd, er enghraifft os ydych chi’n cysgu, yn rhy feddw i gydsynio, neu wedi cymryd cyffuriau.

I gael rhagor o wybodaeth am gydsyniad, ewch i wefan Consent is Everything.

Mythau am dreisio ac ymosodiadau rhywiol

Mae yna lawer o fythau cyffredin ynghylch treisio ac ymosod rhywiol a allai atal pobl rhag sicrhau’r help angenrheidiol neu rhag riportio’r peth.

Dydyn ni ddim yn credu'r mythau hyn ac ni fyddwn yn eich amau o’u hachos nhw.