Stelciwr o Gastell-nedd wedi'i garcharu ar ôl torri gorchymyn atal dro ar ôl tro
Cynnwys y prif erthygl
Mae dyn o Gastell-nedd Port Talbot wedi cael ei garcharu eto ar ôl iddo dorri gorchymyn atal yn ei erbyn am yr eildro.
Roedd Neal Hancock, 39 oed o Gastell-nedd, wedi treulio cyfnod yn y carchar yn flaenorol am dorri gorchymyn atal a roddwyd iddo ar ôl cael ei ganfod yn euog o stelcio tri pherson.
Plediodd Hancock yn euog i anfon neges i gyfrif Instagram yr un dioddefwr ar 8 Mehefin, rhywbeth yr oedd wedi'i wahardd rhag ei wneud o dan delerau'r gorchymyn atal.
Cafodd ei ddedfrydu i 12 wythnos arall yn y carchar.
Dywedodd yr Arolygydd Jared Easton: “Yn amlwg, mae Neal Hancock yn unigolyn peryglus sy'n gwrthod dysgu ei wers ac sydd wedi achosi pob math o drawma i'w ddioddefwr.
“Mae ei ymddygiad tuag at y dioddefwr hwn wedi bod yn barhaus am sawl blwyddyn erbyn hyn. Mae'n gwbl annerbyniol, ac ni ddylai neb orfod delio â chyfres hir o achosion fel hyn.”
I gael cyngor ar stelcio a sut i roi gwybod amdano, gweler yma: Stelcio ac aflonyddu | Heddlu De Cymru