Deliwr cocên o Gaerdydd wedi'i garcharu

+Mae deliwr cyffuriau o Gaerdydd wedi cael ei garcharu ar ôl iddo gael ei ddal gan swyddogion ar batrôl.

Cafodd Ibrahim Mustafa ei arestio gan swyddogion a oedd ar batrôl mewn car heddlu heb ei farcio yn Grangetown, ar ôl iddynt amau eu bod wedi gweld dêl cyffuriau yn digwydd mewn car Seat Altea du ar Paget Street.

Wrth iddynt agosáu at y car, sylwodd y swyddogion ar Mustafa, 32 oed, yn estyn am rywbeth a'i guddio yn ei drowsus.

Cafodd menyg latecs, arian parod, a ffonau symudol a oedd yn cynnwys negeseuon testun mewn perthynas â phrynu cyffuriau, eu hatafaelu.

Cadarnhaodd pelydr-X yn Ysbyty Athrofaol Cymru, Caerdydd, fod gwrthrych estron, yr amheuwyd mai cyffuriau ydoedd, yng nghorff Mustafa.

Cafodd ei arestio ar 5 Hydref y llynedd a'i gyhuddo o ymwneud â chyflenwi cocên.

Yn ddiweddarach, plediodd Mustafa, o Butetown, yn euog ac ar 20 Mawrth, yn Llys y Goron Caerdydd, cafodd ei ddedfrydu i ddwy flynedd a 10 mis yn y carchar.

Mae gan Heddlu De Cymru ddull gweithredu dim goddefgarwch mewn perthynas â delio mewn cyffuriau, a dim ond un enghraifft yw hyn o'r gwaith rydym yn ei gyflawni.

Ni fyddwn yn goddef cyffuriau yn ein cymunedau, ac rydym yn targedu'r rhai y credir eu bod yn ymwneud â chyflenwi cyffuriau a reolir yn barhaus.

Gallwn weithredu ar y wybodaeth a gawn gan y cyhoedd, ac rydym yn gwneud hynny'n rheolaidd, felly parhewch i gysylltu a chydweithio â ni.

Gellir rhoi gwybod am bryderon a gwybodaeth mewn amrywiaeth o ffyrdd. Cliciwch yma i gael rhagor o wybodaeth.

Gallwch hefyd gysylltu â Crimestoppers yn gwbl ddienw ar 0800 555 111.