Dyn o Abertawe wedi'i garcharu ar ôl cael ei arestio dan warant cyffuriau
Cynnwys y prif erthygl
Mae dyn o Abertawe wedi cael ei garcharu am ymwneud â chynhyrchu cyffuriau Dosbarth B ar raddfa fawr.
Cafodd Aldi Pire sy'n 34 oed o Mount Pleasant ei ddal yn ystod gwarant mewn cyfeiriad ar Cromwell Street, pan ddaethpwyd o hyd i 100 o blanhigion canabis aeddfed ac 125-150 o blanhigion bach.
Mae wedi cael ei ddedfrydu i 12 mis yn y carchar.
Dywedodd y Rhingyll Craig Evans:
"Aldi Pire yw'r unigolyn diweddaraf i gael ei anfon i'r carchar oherwydd ei ran yn y fasnach gyffuriau anghyfreithlon.
"Mae ffatrïoedd canabis fel hon yn cael eu gosod mewn ffordd sy'n ailgyfeirio trydan mewn ffordd beryglus o ffynonellau eraill, sy'n peri risg sylweddol i eiddo cyfagos, heb sôn am y gweithgareddau anghyfreithlon eraill sy'n cael eu hariannu drwy gynhyrchu canabis ar y raddfa hon.
"Fodd bynnag, nid yw pobl fel Aldi Pire yn ystyried y peryglon hyn."