Carcharu dyn o Gastell-nedd Port Talbot am greu a rhannu pornograffi o blant

Mae dyn o Gastell-nedd Port Talbot wedi cael ei garcharu ar ôl iddo bledio'n euog i greu a rhannu lluniau anweddus o blant.

Yn dilyn ymchwiliad gan Dîm Ymchwilio Ar-lein Heddlu De Cymru, gwnaeth Dean Hanford, 23 oed o Flaengwynfi, gyfaddefiad anarferol drwy ei fargyfreithiwr yn y llys fod ganddo atyniad rhywiol tuag at blant.

Dengys tystiolaeth y daethpwyd o hyd iddi yn ystod gwarant yng nghyfeiriad Hanford yn 2023 ei fod wedi derbyn taliadau gan bobl eraill ar-lein yn gyfnewid am fideos pornograffig o blant.

Cafodd ei ddedfrydu i 28 mis o garchar.

Bydd yn droseddwr rhyw cofrestredig am y deng mlynedd nesaf, a bydd hefyd yn destun Gorchymyn Atal Niwed Rhywiol am ddeng mlynedd.

Dywedodd y Ditectif Ringyll Chris Cole:

“Mae'r ffaith bod Dean Hanford wedi cyfaddef ei fod yn bedoffil yn y llys yn eithriadol ac yn dangos ei fod yn unigolyn peryglus iawn.

“Nid oes ganddo unrhyw foesau, a gwnaeth hyd yn oed geisio defnyddio'r esgus ei fod yn gwerthu'r lluniau i gefnogi ei fam, a oedd yn ddi-waith.

“Carchar yw'r unig le i berson sydd wedi cyflawni'r mathau hyn o droseddau.”