Carcharu dyn o Abertawe ar ôl iddo roi car dyn arall ar dân a chamdrin swyddog heddlu yn homoffobig
Cynnwys y prif erthygl
Mae dyn o Abertawe wedi cael ei garcharu ar ôl iddo roi car dyn arall ar dân yn fwriadol.
Cyflawnodd Jamie Paton, 34 oed o Benlan, y tân bwriadol ar 11 Tachwedd 2024. Yna, gwnaeth fygwth ddefnyddio “bom petrol” yng nghyfeiriad dyn arall.
Er gwaethaf ymdrechion i osgoi cael ei arestio, cafodd Paton ei ddarganfod gan swyddogion ym mis Rhagfyr. Difrododd gerbyd yr heddlu yn ystod ei arestiad a chafodd ei ganfod yn euog o drosedd trefn gyhoeddus homoffobig yn erbyn y swyddog a wnaeth ei arestio.
Mae wedi cael ei ddedfrydu i 25 mis yn y carchar.
Dywedodd PC Lisa Stokes:
“Yn amlwg, mae Jamie Paton yn unigolyn penboeth ac anaeddfed nad oedd yn fodlon derbyn canlyniadau ei weithredoedd ei hun.
“Waeth p'un a oedd Jamie wedi cweryla â phobl eraill, does dim esgus dros roi eu cerbyd ar dân – gallai'r tân fod wedi lledaenu ac effeithio ar eiddo cyfagos, gan achosi niwed i aelodau'r cyhoedd nad oeddent yn gysylltiedig o gwbl.
“Nid oedd Jamie yn poeni dim am hynny – yr unig beth o bwys iddo oedd ei wylltineb. Yn amlwg, gwyddai ei fod wedi gwneud rhywbeth o'i le, dyma pam y gwnaeth bopeth o fewn ei allu i osgoi cael ei arestio nes iddo gael ei ddal gan swyddogion.”