Mae dyn o Cathays wedi cael ei garcharu am droseddau cyffuriau yn dilyn achos o stopio a chwilio

Roedd swyddogion ar batrôl gyda'r nos ar Galan Gaeaf (31 Hydref 2024) pan dynnwyd eu sylw at gar amheus yn ardal y Rhath.

Cafodd y car ei stopio gan swyddogion ar Crwys Road. Cafodd y gyrrwr, Ryan Lewis, 27 oed o Cathays ei gadw'n gaeth a'i arestio.

Yn dilyn chwiliad o'i fflat, atafaelwyd arian parod, bagiau unigol o gyffuriau a ffôn symudol.

Cafodd Lewis ei gyhuddo o fod â chocên yn ei feddiant gyda'r bwriad o'i gyflenwi a bod ag eiddo troseddol yn ei feddiant, sef £1833 mewn arian parod.

Ymddangosodd gerbron Llys y Goron Caerdydd ddydd Gwener 6 Rhagfyr lle plediodd yn euog i'r ddwy drosedd.

Cafodd Lewis ei ddedfrydu ddydd Mercher 2 Ebrill yn Llys y Goron Caerdydd i ddwy flynedd a phedwar mis yn y carchar.

Dywedodd y Rhingyll Kevin Pillar: “Mae gennym ddull gweithredu dim goddefgarwch mewn perthynas â delio mewn cyffuriau, a dim ond un enghraifft o'r gwaith rydym yn ei wneud yn Cathays yw hyn.

Gallwn weithredu ar y wybodaeth a gawn gan y cyhoedd, ac rydym yn gwneud hynny'n rheolaidd, felly parhewch i gysylltu â ni

Caiff unrhyw un sydd ag amheuon neu wybodaeth am achosion o gyflenwi cyffuriau anghyfreithlon ei annog i gysylltu â ni.”