Dyn o Gastell-nedd Port Talbot wedi'i garcharu am ddal machete
Cynnwys y prif erthygl
Mae dyn o Gastell-nedd Port Talbot wedi cael ei garcharu ar ôl cyflawni nifer o droseddau, gan gynnwys bod â machete yn ei feddiant.
Daliodd James Driver, 20 oed o Gaewern, y gyllell o flaen tri bachgen yn ystod digwyddiad yn Aberafan ar 22 Ionawr, gan achosi iddynt ddianc rhagddo. Yna, gyrrodd i ffwrdd ar gyflymder ar feic modur.
Cafodd ei arestio yn ddiweddarach ar amheuaeth o affräe a bod ag eitem lafnog yn ei feddiant. Daeth swyddogion o hyd i'r machete wrth gynnal chwiliad yng nghyfeiriad Driver.
Mae wedi cael ei ddedfrydu i 16 mis yn y carchar am affräe, bod ag eitem lafnog yn ei feddiant a gyrru'n beryglus.
Dywedodd PC Lincoln Burrow:
“Roedd ymddygiad James Driver yn achos pob un o'r tair trosedd yn annerbyniol. Ni chaiff ymddygiad bygythiol a brawychus o'r fath ei oddef.
“Rydym yn gobeithio y bydd James yn defnyddio ei amser yn y carchar i feddwl yn galed am ei weithredoedd a newid ei ffyrdd.”