Dedfrydu dyn ar ôl ymosodiadau rhywiol yn Ysbyty Treforys

Mae dyn o Abertawe wedi cael ei ddedfrydu ar ôl cael ei ganfod yn euog o ddau achos o ymosodiad rhywiol.

Ymosododd Naleen Thota, 55 oed o Benlle'r-gaer, yn rhywiol ar ddau aelod benywaidd o staff yn eu gweithle, Ysbyty Treforys, lle roedd yn uwch-feddyg.

Mae wedi cael ei ddedfrydu i 21 mis yn y carchar, wedi'i ohirio am ddwy flynedd. Bydd yn droseddwr rhyw cofrestredig am y deng mlynedd nesaf, a bydd yn destun gorchmynion atal yn erbyn y ddwy ddioddefwraig am yr un cyfnod.

Mae hefyd wedi cael ei orchymyn i gwblhau 300 awr o waith di-dâl.

Dywedodd y Rhingyll Danielle Thorne:

“Gwnaeth Naleen Thota gamddefnyddio ei swydd fel uwch-feddyg yn Ysbyty Treforys.

“Ar ddau achlysur gwahanol, fe wnaeth sicrhau ei fod ef a'i ddioddefwyr ar eu pen eu hunain gyda'i gilydd a bod neb yn gallu gweld yr hyn yr oedd yn ei wneud.

“Roedd hwn yn ymddygiad rheibus, sydd wedi cael effaith enfawr ar iechyd meddwl ei ddioddefwyr.

“Dangosodd y ddwy ddioddefwraig ddewrder eithriadol drwy ddod atom a rhoi gwybod am weithredoedd Naleen Thota, ac rydym yn gobeithio y byddant yn cael rhywfaint o gysur o'r ffaith ei fod bellach wedi cael ei ganfod yn euog a'i ddedfrydu.”